Last updated on January 10th, 2023 at 09:19 am
ತುಳುವೆರೆ ಪಕ್ಷ ಪನ್ಪಿನ ಪುದರ್ದ ಒಂಜಿ ಪ್ರಾದೇಶಿಕ ಪಕ್ಷ ಇಂಚಪ್ಪೊಗು ರಿಜಿಸ್ಟರ್ ಆದ್ ತುಳುನಾಡೊರ್ಮೆ ತನ್ನ ಅಭ್ಯರ್ಥಿಲೆನ್ ಬರ್ಪಿ ವಿಧಾನಸಭಾ ವೋಟುಗು ಪಾಡುನ ಅಟ್ಟನೆಡ್ ಉಂಡು. ಈ ದೇಕಿಡ್ ಸುರುತ ಅಭ್ಯರ್ಥಿನ್ ತುಳುವೆರೆ ಪಕ್ಷದ ಮೂಲ ಉಪ್ಪುನ ಕ್ಷೇತ್ರ ಬೊಲ್ತೇರ್(ಬೆಳ್ತಂಗಡಿ)ಗ್ ಘೋಷಣೆ ಮಲ್ದೆರ್. ಬೊಲ್ತೇರ್’ಡ್ ತುಳುವೆರೆ ಪಕ್ಷದ ಗುರ್ಕಾರ್ಲಾಯಿನ ಶೈಲೇಶ್.ಆರ್.ಜೆ ಮೇರ್ ಓಟುದ ಕಲೊಟು ಉಂತುನ ನಿಗಂಟ್ ಆತ್ಂಡ್.
ಶೈಲೇಶೆರ್ ಅಧಿಕೃತ ಅಭ್ಯರ್ಥಿ ಆಯಿನೆರ್ದಾವರ ಕಾಂಗ್ರೇಸ್, ಬಿಜೆಪಿದೊಟ್ಟುಗು ತುಳುವೆರೆ ಪಕ್ಷಲಾ ಒಂಜಿ ಬರಸ್ದ ಪ್ಪತಿಸ್ಪರ್ದಿ ಆಪಿಲೆಕ್ಕ ಉಂಡು. ಪಕ್ಷದ ಚುನಾವಣಾ ಪ್ರಣಾಳಿಕೆನ್ ಆಯಿನಾತ್ ಬೇಗ ಬುಡುಗಡೆ ಮಲ್ಪುವ ಪನ್ದ್ ಗುರ್ಕಾರ್ಲು ತುಳುವಾಣಿಗ್ ತೆರಿಪಾಯೆರ್.