Last updated on January 14th, 2023 at 03:06 pm
ಕುಡ್ಲದ ಕಾವೂರುದ ಶ್ರೀ ಮಹಾಲಿಂಗೇಶ್ವರ ಜಾತ್ರೆ ಇನಿರ್ದ್ ಜ.18 ಮುಟ್ಟ ನಡಪರೆಗುಂಡು. ಆಂಡ ಈ ನಡುಟು ವಿಶ್ವ ಹಿಂದೂ ಪರಿಷತ್‌ದ ಬ್ಯಾನರ್ ಮುಲ್ಪ ಸುದ್ದಿ ಮಲ್ತೊಂದುಂಡು. ಸನಾತನ ಧರ್ಮದ ನಂಬೊಲಿಗೆ ಆಚರಣೆಲೆನ ಮಿತ್ತ್ ಇಸ್ವಾಸ ಉಪ್ಪುನಕಲೆಗ್ ಮಾತ್ರ ಮುಲ್ಪ ಬೇರೊಗು ಅವಕಾಶ, ವಿಗ್ರಹಾರಾಧನೆನ್ ಹರಾಮ್ ಪನ್ದ್ ನಂಬಿನ ಏರೆಗ್ಲಾ ಅವಕಾಶ ಇಜ್ಜಿ ಪನ್ಪಿ ಬ್ಯಾನರ್‌ನ್ ವಿಶ್ವ ಹಿಂದೂ ಪರಿಷತ್-ಭಜರಂಗದಳತಕುಲು ಪಾಡ್ದೆರ್.
ದೇಲಂತಡೆತ ಉಲಯಿ ಬೊಕ್ಕ ಪಿದಯಿ ಇತ್ತೆ ಸುಮಾರ್ ಸ್ಟಾಲ್‌ಲು ಬೈದ. ಧಾರ್ಮಿಕ ದತ್ತಿ ಇಲಾಖೆದ ಉಲಯಿ ಬರ್ಪಿನ ಈ ದೇಲಂತಡೆಕ್ ಸಿಎಆರ್ ತುಕುಡಿದೊಟ್ಟುಗು ಹೆಚ್ಚುವರಿ ಭದ್ರತೆಲಾ ಕೊರ್ತುಂಡು. ಈ ಸಲ ಭಜರಂಗದಳತಕಲೆಗ್ ಸ್ಟಾಲ್ ನಿರ್ವಹಣೆ ಮಲ್ಪುನ ಜಬದಾರಿ ಕೊರ್ತುಂಡು. ದೇಲಂತಡೆತ ಆಡಳಿತ ಮಂಡಳಿತ ಸಭೆಟೇ ಬೇತೆ ಧರ್ಮದಕಲೆಗ್ ಸ್ಟಾಲ್ ಪಾಡರೆ ಬುಡರೆ ಬಲ್ಲಿ ಪನ್ಪಿ ನಿರ್ಣಯೊಗು ಬೈದ್ಂಡ್ ಪನ್ದ್ ತೆರಿದ್ ಬೈದ್ಂಡ್.