Last updated on January 18th, 2023 at 08:29 am
ಕುಡ್ಲದ ಎಂ.ಎಲ್.ಎ ವೇದವ್ಯಾಸ ಕಾಮತೆರ್ ತನ್ನ ಅಧಿಕಾರವಧಿಡ್ ಕುಡ್ಲದ ಬುಲೆಚ್ಚಿಲ್‌ಗ್ 4750 ಕೋಟಿ ಕೇಂದ್ರ ಬೊಕ್ಕ ರಾಜ್ಯ ಸರಕಾರೊರ್ದು ಪನವು ಕನದೆ ಪನ್ದ್ ತೆರಿಪಾಯೆರ್.
ಕರಿನ ನಾಲರೆ ವರ್ಸೊಡು ಕುಡ್ಲನ್ ಎಡ್ಡೆಮಲ್ಪರೆ ಪ್ರಾಮಾಣಿಕವಾದ್ ಪುನೆದೆ. ಆಂಡ ಕೆಲವು ಅಡೆತಡೆಲೆರ್ದಾತ್ರ ಮಾತಾ ಬೇಲೆಲೆನ್ ಕೊಡಿ ಎತ್ತಾವರೆ ಆತಿಜಿ. ಬರ್ಪಿ ಮಾರ್ಚಿದುಲಾಯಿ 75% ಬೇಲೆಲು ಆಪ ಪನ್ದ್ ತೆರಿಪಾಯೆರ್. ಮೂಜಿ ವರ್ಸೊರ್ದಿಂಚಿ ಬರ್ಸ ಬೇಲೆ ಹಾಲ್ ಮಲ್ತೊಂದುಂಡು, ಅಂಚೆನೆ ರಡ್ಡ್ ವರ್ಸೊರ್ದಿಂಚಿ ಕೊರೊನೊರ್ದಾವರ ಬೇಲೆಲು ಮೆಲ್ಲ ಆವೊಂದುಂಡು. ಸುಮಾರ್ 1000 ಕೋಟಿದಾದ್ ಪನವುದ ಸ್ಮಾರ್ಟ್ ಸಿಟಿ ಬೇಲೆಲು ಆವೊಂದುಲ್ಲ. ಅಂತರಾಷ್ಟ್ರೀಯ ಸ್ವಿಮ್ಮಿಂಗ್ ಪೂಲ್, ಉರ್ವ ಸ್ಟೋರ್ ಕಾಂಪ್ಲೆಕ್ಸ್, ಮಂಗಳಾ ಸ್ಟೇಡಿಯಂ ಮಿತ್ತರ್ಜೆಗ್, ಸುಲ್ತಾನ್ ಭತ್ತೇರಿಡ್ ನೇಲುನ ಸಂಕ, ಕುದುರುದ ಅಭಿವೃದ್ದಿ, ಪಂಪ್‌ವೆಲ್ ಪಡೀಲ್ ರೋಡುದ ಬೇಲೆ, ಕದ್ರಿಡ್ ಮಾರ್ಕೇಟ್, ಕಂಕನಾಡಿ ಬೊಕ್ಕ ಸೆಂಟ್ರಲ್ ಮಾರ್ಕೆಟ್, 60ದಾತ್ ಪಾರ್ಕ್‌ಲೆನ ಅಭಿವೃದ್ದಿ ಉಂದು ಪೂರಾ ಮಲ್ತೊಂದುಲ್ಲೆ ಪನ್ದ್ ಪಂಡೆರ್.