ಕುಡ್ಲ ಬ್ಲಾಸ್ಟ್ : ಪುರುಷೋತ್ತಮ ಪೂಜಾರಿಗ್ ಎನ್ನ ಫಂಡ್‌ಡೇ ರಿಕ್ಷಾ ದೆಪ್ಪಾದ್ ಕೊರ್ಪೆ, ವೇದವ್ಯಾಸ ಕಾಮತ್

Last updated on January 19th, 2023 at 08:00 am

ಕುಡ್ಲದ ಎಂ.ಎಲ್.ಎ ವೇದವ್ಯಾಸ ಕಾಮತೆರ್ ತನ್ನ ಸಂಗಡಿಗೆರೆನೊಟ್ಟುಗು ಇಂಚಪ್ಪೊಗು ನಡತಿನ ಕುಕ್ಕರ್ ಬ್ಲಾಸ್ಟ್ ಸಂತ್ರಸ್ತೆರಾಯಿನ ರಿಕ್ಷದ ಪುರುಷೋತ್ತಮ ಪೂಜಾರಿನ ಇಲ್ಲಗ್ ಪೋಯೆರ್.

ಅಲ್ಪ ಪಾತೆರಿನ ಕಾಮತೆರ್, ಯಾನ್ ಎನ್ನ ಕಾಸ್‌ಡೇ ಪೂಜಾರ್ಲೆಗ್ ರಿಕ್ಷಾ ದೆಪ್ಪಾದ್ ಕೊರ್ಪೆ. ಆರ್.ಟಿ.ಓದಕಲೆಗ್ ದುಂಬುದ ಪರ್ಮಿಟ್‌ದ ಮಿತ್ತ್ ಪೊಸ ಪರ್ಮಿಟ್ ಕೊರಿಯರೆ ಪನ್ತೆ. ಎಂಕುಲು ಪಾತೆರ ಕೊರ್ತಿಲೆಕ್ಕನೇ ಬಿಜೆಪಿರ್ದ್ 5 ಲಕ್ಷ ಕೊರ್ಪ. ಡಾಕ್ಟರ್ ಪನ್ತಿಲೆಕ್ಕೊಡು ಪುರುಷೋತ್ತಮೆರ್ ನನ ಒಂಜಿ ವರ್ಸ ಬೇಲೆ ಮಲ್ಪರೆ ಬಲ್ಲಿ. ಇಂಚಿನ ಬಂಞದ ಕಾಲೊಡು ನಮ ಅರೆಗ್ ಬೆರಿಬಲ ಆದ್ ಉಪ್ಪುವ. ಅರೆನ ಮಗಲೆಗ್ಲಾ ಒಂತೆ ತಿಂಗೊಲ್ಡು ಮದ್ಮೆಲ ಉಂಡು, ಅವೆಕ್ ಬೋಡಾಪಿನ ಪನವುದ ಸಕಾಯ ಮಲ್ಪುವ. ಕುದ್ರೋಳಿ ದೇವಲ್ಯದ ಸಂಸ್ಥೆರ್ದ್ ಅರೆನ ಇಲ್ಲ್ ಸರಿ ಮಲ್ಪಾವೊಂದುಲ್ಲೆರ್, ಬೊಕ್ಕ ಆರ್ ಬಾಡಾಯಿದ ಇಲ್ಲ್ ಬುಡ್ದ್ ಅಡೆ ಪೋವೊಲಿ. ಉಂದೆಟ್ ಒವ್ವೇ ರಾಜಕೀಯ ಇಜ್ಜಿ. ಒರಿ ಪಾಪದ ಸಂತ್ರಸ್ತಗ್ ನಮ ಮಾತಾ ಸೇರ್ದ್ ಸಕಾಯ ಮಲ್ಪುನು ಪನ್ದ್ ಪಂಡೆರ್.