ಪಡ್ಡೆದ್ರ ಬೆರ್ಮಸ್ಥಾನೊಡು ಜಕ್ಕೆದಬಲಿ ಸುರು

Last updated on January 20th, 2023 at 08:01 am

ಪಡ್ಡೆದ್ರ ಖಡ್ಗೇಶ್ವರಿ ಬೆರ್ಮಸ್ಥಾನೊಡು ರಡ್ಡ್ ವರ್ಸೆಗೊರ ನಡಪುನ ಜಕ್ಕೆದಬಲಿ ಜನವರಿ 19ಗು ಸುರುವಾಪುಂಡು. ಮಾರ್ಚ್ 11ಕ್ಕ್ ಮಂಡಲ ವಿಸರ್ಜನೆ ಸೇವೆ ನಡಪುಂಡು. ಪಡ್ಡೆದ್ರದ ಈ ಬೆರ್ಮಸ್ಥಾನೊಗು ಸಂಬಂದ ಇತ್ತಿನ ಪೆಜಮಾಡಿ ಬೊಕ್ಕ ಮುರುಡಿ ಬೆರ್ಮಸ್ಥಾನೊಡು ಜನವರಿ 29 ಬೊಕ್ಕ 31ಕ್ಕ್ ಸೇವೆ ನಡಪುಂಡು. ಉಂದು ಬುಡುಂಡ ಬಾಕಿದ 35 ಜಕ್ಕೆಬಲಿ ಪಡ್ಡೆದ್ರ ಬೆರ್ಮಸ್ಥಾನೊಡೇ ನಡಪುಂಡು.

ಇಡೆಗ್ ಪೋಪಿನ ಭಕ್ತೆರ್ ಮಲ್ಪುದ ಪಟ ಪೂರಾ ದೆಪ್ಪುಲೆಕ್ಕ ಇಜ್ಜಿ. ಮಲ್ಲಾಯೆ ಆವಡ್ ಎಲ್ಯಾಯೆ ಆವಡ್ ಮುಲ್ಪದ ಪೊಯ್ಯೆನೇ ಗಂಧ ಪ್ರಸಾದ. ಮುಲ್ಪ ಪೊಯ್ಯೆದ ಮಿತ್ತೇ ಕುಲ್ಲೊಡು. ಮೂಲು ತೂವರೆ ತಿಕ್ಕುನ ಜಕ್ಕೆದ ಬಲಿ ಬೇತೆ ಓಲುಲ ಈತೋಂಜಿ ವೈವಿದ್ಯೊಡು ತೂವರೆ ತಿಕ್ಕುಜಿ.