ಟೀಚರ್ಲೆನ್ ವರ್ಗಾವಣೆ ಮಲ್ತಿನೆಕ್ಕ್ ಪ್ರತಿಭಟನೆ ಮಲ್ತಿನ ಕಡಬದ ಸರಕಾರಿ ಶಾಲೆದ ಜೋಕುಲು

Last updated on January 26th, 2023 at 09:37 am

ಕಡಬ : ತಾಲೂಕುದ ಇಚ್ಲಂಪಾಡಿದ ನೇರ್ಲದ ಸರಕಾರಿ ಪ್ರಾಥಮಿಕ ಶಾಲೆದ ಜೋಕುಲು, ಜೋಕ್ಲೆನ ಅಪ್ಪಮ್ಮಲ್ಲು ಬೊಕ್ಕ ಶಾಲಾಭಿವೃದ್ದಿ ಸಮಿತಿದಕುಲು ಶಾಲೆಡಿತ್ತಿನ ರಡ್ಡ್ ಟೀಚರ್ಲೆನ್ ವರ್ಗಾವಣೆ ಮಲ್ಪುನ ನಡಕೆಗ್ ವಿರೋಧಿಸಾದ್ ಪ್ರತಿಭಟನೆ ಮಲ್ತೆರ್. ಶಾಲೆಡ್ ಎಚ್ಚ ಜೋಕುಲು ಉಪ್ಪಂದಿನೆರ್ದಾವರ ಸರಕಾರ ಅಲ್ಪ ಇತ್ತಿನ ರಡ್ಡ್ ಟೀಚರೇನಕಲೆನ್ ಬೇತೆ ಶಾಲೆಗ್ ಕಡಪುಡುನ ನಿರ್ಣಯ ಮಲ್ದಿತ್ತ್ಂಡ್. ಉಂದೆನ್ ತೆರಿನ ಊರುದಕುಲು ಪಿಸಿರಾದ್, ಸರಕಾರ ಶಾಲೆಲೆನ್ ಎಡ್ಡೆ ಮಲ್ಪುಂಡು, ಪಾಪದಕುಲು ಕಲ್ಪುನ ಸರಕಾರಿ ಶಾಲೆನ್ ಬುಲೆಪಾವುಂಡು ಪನ್ಪುಂಡು ಆಂಡ ಮೂಲು ಆವೊಂದಿಪ್ಪುನನೇ ಬೇತೆ. ಇಂಚ ಟೀಚರ್ನಕಲೆನ್ ಕಡಪುಡುಂಡ ಪಾಪದ ಜೋಕುಲೆಗ್ ಎಡ್ಡೆಂತಿನ ಶಿಕ್ಷಣ ಎಂಚ ತಿಕ್ಕು? ವರ್ಗಾವಣೆನ್ ಇತ್ತೆನೇ ತಡೆಪೊಡು ಇಜಿಂಡ ಡಿ.ಸಿ ನಲ್ಪ ಪೋದು ಪ್ರತಿಭಟನೆ ಮಲ್ಪುವ ಪನ್ದ್ ಪಂಡೆರ್.