ಸಮಾಜೊದ ಪೆರಿಯ ಮಾರ್ಗದರ್ಶಕೆ ಕೆ ಸೇಸಪ್ಪ ಕೋಟ್ಯಾನ್ ಪಚ್ಚಿನಡ್ಕ ತೀರ್ಯೆರ್

Last updated on January 27th, 2023 at 06:30 am

ಸಾಮಾಜಿಕ, ಧಾರ್ಮಿಕ ಕ್ಷೇತ್ರೊಡು ಮಲ್ಲ ಪುದರ್ ಪೋತಿನಾರ್ ಬಂಟ್ವಾಳ ತಾಲೂಕುದ ಕೆ ಸೇಸಪ್ಪ ಕೋಟ್ಯಾನೆರ್ ಹುಬ್ಬಳ್ಳಿದ ಪ್ರೈವೇಟ್ ಆಸ್ಪತ್ರೆಡ್ ತೀರ್ದೆರ್. 75 ವರ್ಸ ಪ್ರಾಯ ಆದಿತ್ತಿನ ಮೇರೆಗ್ ಹುಬ್ಬಳ್ಳಿದ ಲೇಸ್‌ಡ್ ಪಾಲ್‌ಗೆತೊನ್ರ ಪೋದಿಪ್ಪುನಗ ಆರೋಗ್ಯಡ್ ಒಂತೆ ಎಚ್ಚಿಕಮ್ಮಿ ಆತ್ಂಡ್. ಆಸ್ಪತ್ರೆಗ್ ಸೇರಾಂಡಲಾ ಮರ್ದ್ ಪಲಿಪಂದೆ ಬಯ್ಯ ಆನಗ ತೀರ್ದೆರ್.

ಸಾರ್ವಜನಿಕೆರೆ ಅಕೇರಿದ ದರ್ಶನೊಗು ಆರೆನ ಸ್ವಂತ ಇಲ್ಲ್ ಪಚ್ಚಿನಡ್ಕದ ಶುಭ ನಿಲಯೊಡು ದೀದ್, ಮದ್ಯಾನ 12:30 ಗ್ ಪೊತ್ತಾವುನ ಪಂದ್ ಕುಟುಮೊದಕ್ಲು ತೆರಿಪಾದೆರ್.

ಬಂಟ್ವಾಳೊಡು ಯಶಸ್ವಿ ಉದ್ಯಮಿ ಪಂದ್ ಪುದರ್ ಪೋದಿತ್ತಿನ ಮೇರ್ ಶುಭ ಬೀಡಿ, ಶುಭ ಟ್ರಾವೆಲ್ಸ್, ಶುಭಲಕ್ಷ್ಮೀ ಮದಿಮೆದ ಹಾಲ್ ಇಂಚ ಬೇತೆ ಬೇತೆ ವೈವಾಟ್ ನಡಪಾವೊಂದಿತ್ತೆರ್.