Last updated on January 30th, 2023 at 12:48 pm
ಕಾರವಾರ: ಓಲಾಂಡಲಾ ತಿರ್ಗರೆ ಪೋಂಡ ಮೈನೀರ್ ಪಿದಯಿ ಪಾಡುನವೆ ಮಲ್ಲ ತರೆಬೇನೆ ಆದ್ ಪೋಪುಂಡು. ಸಮ ಜಾಗೆ ತಿಕ್ಕಿಜಿಂಡ ಅವೆರ್ದಾಪುನ ಸಮಸ್ಯೆಲು ಅನುಭವಿತ್‌ನಕಲೆಗೇ ತೆರಿಯು. ಇಂಚಿನನೇ ಒಂಜಿ ಪಜೀತಿ ನಾರ್ತ್ ಕೆನರಾ ಜಿಲ್ಲೆದ ಕುಮಟಾದ ಗೋಕರ್ಣದಲ್ಪದ ಮಿತ್ತಕೇರಿ ಪನ್ಪಿನಲ್ಪ ನಡತ್‌ದ್ಂಡ್.
ದೆಲ್ಲಿ ಮೂಲೊದ ಬೆಂಗ್ಳೂರ್ ನಿವಾಸಿ ರಾಮೇಶ್ವರ್ ನಾರ್ತ್ ಕೆನರಾಗ್ ಪ್ರವಾಸೊಗು ಬತ್ತಿತ್ತೆರ್. ತಿರ್ಗಟ ಮುಗಿತ್‌ದ್ ಪಿರ ಬೆಂಗ್ಳೂರ್ ಪಿದಡ್ದಿತ್ತೆರ್. ಈ ಪೊರ್ತುಡು ಪಡಿಕೆ ಮೈಪೆರ ಪೋತೆರ್.
ಆಂಡ ಪೋತಿನ ಬೇಲೆ ಎನ್ನಿಲೆಕ ಆವಂದೆ ಗಟನೆದಾಂತಿ ಗೂವೆಲ್ಗ್ ಬೂರ್ದೆರ್. ಪಿದಯಿ ಬರ್ಯೆರ ಆವಂದೆ ಪಾಕ ಪೊರ್ತು ಗೂವೆಲ್ಡೇ ಬಙ್ಙ ಬೈದೆರ್. ಒಲವು ತಿಕ್ಕಿನೇ ಪೋಲೀಸೆರ್ ಅಂಚೆನೇ ಅಗ್ನಿಶಾಮಕದಕ್ಲು ಬತ್ತ್‌ದ್ ಗೂವೆಲ್ಡಿತ್ತಿ ರಾಮೇಶ್ವರ್‌ನ್ ಮಿತ್ತ್ ಒಯ್ತ್ ಪಾಡ್ಯೆರ್. ಈ ಬಗೆಟ್ ಗೋಕರ್ಣ ಸ್ಟೇಷನ್ಡ್ ಪ್ರಕರಣ ದಾಕ್ಲಾತ್ಂಡ್.