ತುಳು ಭಾಷೆನ್ ಅಧಿಕೃತ ಮಲ್ಪುನೆತ್ತ ಬಗೆಟ್ ಒಂಜಿ ವಾರದುಲಾಯಿ ಸಮಿತಿದ ವರದಿ ಕೇನಿನ ಸರಕಾರ

Last updated on January 30th, 2023 at 04:53 pm

ತುಳು ಬಾಸೆನ್ ಕರ್ನಾಟಕದ ರಡ್ಡನೇ ಅಧಿಕೃತ ಬಾಸೆಯಾದ್ ಘೋಷಣೆ ಮಲ್ಪುನ ಬಗೆಟ್ ಸರಕಾರದ ಸಂಸ್ಕೃತಿ ಇಲಾಖೆಗ್ ಏತೋ ವರ್ಸೊರ್ದಿಂಚಿ ತುಳುವೆರ್, ಸಂಘ ಸಂಸ್ಥೆಲು ಮನವಿ ಕೊರೊಂದುಲ್ಲೆರ್. ಈ ಬಗೆಟ್ ಉಂದೆತ ಸಾಧಕ ಬಾದಕ, ಕಾನೂನು ಚೌಕಟ್ಟುಲೆನ ನಿಲೆಟ್ ಕರ್ನಾಟಕ ರಾಜ್ಯೊಡು ತುಳುನು ರಡ್ಡನೇ ಅಧಿಕೃತ ಬಾಸೆಯಾದ್ ಘೋಷಣೆ ಮಲ್ಪುನ ನಿಲೆಟ್ ಅಧ್ಯಯನ ಮಲ್ತ್ ವರದಿ ಕೊರೊಡು ಪನ್ದ್ ಸರಕಾರ ಒಂಜಿ ಸಮಿತಿ ಮಲ್ದ್ಂಡ್.

ಈ ಸಮಿತಿದ ಅಧ್ಯಕ್ಷೆರಾದ್ ಡಾ॥ ಮೋಹನ್ ಆಳ್ವ, ಅಂಚೆನೆ ಸದಸ್ಯೆರಾದ್ ಶ್ರೀ ಕೇಶವ ಬಂಗೇರ, ಮಾಧವ ಕೊಣಾಜೆ, ಗಣೇಶ್ ಅಮೀನ್ ಸಂಕಮಾರ್ ಇಂಚಿನ ಕೆಲವು ತುಳುವೆರೆನ್ ಸರಕಾರ ಆೃ್ಕೆ ಮಲ್ದ್ಂಡ್. ಈ ಬಗೆಟ್ ಒಂಜಿ ವಾರದುಲಾಯಿ ವರದಿ ಕೊರೊಡು ಪನ್ದ್ ಸರಕಾರ ಪಂತ್ಂಡ್.

ತುಳುವೆರೇ ಈ ಸಮಿತಿಡ್ ಇತ್ತಿನೆರ್ದಾವರ, ತುಳುವೆರ್ನ ಬೇಡಿಕೆಗ್ ಬಿಲೆ ಕೊರ್ದು ಸಕಾರಾತ್ಮಕ ವರದಿ ಕೊರ್ಪೆರ್ ಪನ್ಪಿನ ನಂಬೊಲಿಗೆ ಉಂಡು. ಕರ್ನಾಟಕೊಡು ತುಳು ಅಧಿಕೃತ ಆವೊಡಾ ಬೊಡ್ಚಾ ಪನ್ಪಿನ ನಿರ್ಧಾರ ಇತ್ತೆ ಈ ಸಮಿತಿದ ಕೈಟುಂಡು. ಒಂಜಿ ವೇಳೆ ಮೋಹನ್ ಆಳ್ವೆರೆನ ನೇತೃತ್ವದ ಸಮಿತಿ ತುಳು ಅಧಿಕೃತದ ನಿಲುವುಗು ಬತ್ತುಜೆರ್ಡ ತುಳುಕು ಮಾನಾದಿಗೆ ತಿಕ್ಕುಜಿ.