Last updated on February 7th, 2023 at 09:59 am
ಕುಡ್ಲ: ಹಾಸ್ಟೆಲ್ಡ್ ಮಲ್ದಿನ ಚಿಕನ್ ಘೀ ರೈಸ್ ತಿನ್ದ್‌ದ್ ನೂದೆರ್ದ್‌ಲಾ ಎಚ್ಚಿನ ಪೊಂಜೋಕುಲು ಉಸಾರ್‌ತತ್ತಿನ ನಡಕೆ ಕೋಡೆ ಕುಡ್ಲಡ್ ನಡತ್‌ದ್ಂಡ್. ಸಿಟಿ ನರ್ಸಿಂಗ್ ಕಾಲೇಜಿದ ಪ್ಯಾರಾಮೆಡಿಕಲ್‌ದ ಶಕ್ತಿನಗರಡುಪ್ಪುನ ಲೇಡೀಸ್ ಹಾಸ್ಟೆಲ್ಡ್ ಈ ನಡಕೆ ನಡತ್‌ದ್ಂಡ್.
ಐತಾರ ರಾತ್ರೆ ಹಾಸ್ಟೆಲ್ಡ್ ಮಲ್ದಿನ ಚಿಕನ್ ಘೀ ರೈಸ್ ತಿನ್ತಿನಕಲೆಗ್ ಸೋಮಾರ ಪುಲ್ಯಕ್ಕೆಲ್ 3 ಗಂಟೆದ ಪೊರ್ತುಡು ಬಂಜಿಬೇನೆ, ಕಕ್ಕುನ ಸುರು ಆತ್ಂಡ್.
ಸೋಮಾರೊದಾನಿ ಎಚ್ಚಿನ ಜೋಕುಲು ಕಾಲೇಜ್ ಬರಂದಿನೆರ್ದಾವರ ಫುಡ್ ಪಾಯಿಸನಿಂಗ್‌ದ ಇಸಯ ತೆರಿದ್ಂಡ್. ಇಸಯ ತೆರಿದ್ ಇಲ್ಲದಕುಲ್ಲಾ ಬತ್ತ್‌ದ್ ಆಸ್ಪತ್ರೆದ ಆಡಳಿತ ಮಂಡಳಿದ ಜಬದ್ದರಿದಾಂತಿ ನಡಕೆದ ವಿರುದ್ಧ ತನ್ಕುಲೆ ಆಕ್ರೋಶ ತೋಜಾಯೆರ್.
ಆಸ್ಪತ್ರೆಗ್ ಬತ್ತಿನ ಕುಡ್ಲ ಪೊಲೀಸ್ ಕಮಿಷನರ್ ಎನ್. ಶಶಿಕುಮಾರ್ ಪೊಂಜೋಕುಲೆನ ಆರೋಗ್ಯ ವಿಚಾರಿತ್‌ದೆರ್.