Last updated on February 12th, 2023 at 08:23 am
ಮೀಂದ್ಯೆರ ಸುದೆಕ್ ಪೋದಿತ್ತಿನ ರಡ್ಡ್ ಜನ ಜವನೆರ್ ನೀರ್‌ಡ್ ಮುರ್ಕ್‌ದ್ ಸೈದಿನ ನಡಕೆ ಸುಳ್ಯೊದ ಪಯಸ್ವಿನಿ ಸುದೆಟ್ ನಡತ್‌ದ್ಂಡ್. ಪುತ್ತೂರ್ ತಾಲೂಕ್ ಕೌಡಿಚ್ಚಾರ್‌ದ ಅರಿಯಡ್ಕ ನಾರಾಯಣ ಪಾಟಾಳಿಯೆರ್ನ ಮಗೆ ಜಿತೇಶ್ (19) ಬೊಕ್ಕ ಪಡುವನ್ನೂರ್ ಅಂಬಟೆಮೂಲೆ ಕೃಷ್ಣ ನಾಯ್ಕೆರನ ಮಗೆ ಪ್ರವೀಣ್ (19) ತೀರ್ದಿನ ಜವನೆರ್.
ಕೌಡಿಚ್ಚಾರ್ ಸುತ್ತಮುತ್ತೊದ 6 ಜನ ಜವನೆರ್ ಒಟ್ಟುಗು ಸುಳ್ಯದ ಓಡಬಾಯಿದ ಜಪ್ಪುಸಂಕೊದಲ್ಪ ಕಾರ್ ಉಂತಾದ್, ಆಮೇಯಿತ ದೊಡ್ಡೇರಿಡುಪ್ಪುನ ಬಿನ್ನೆರೆ ಇಲ್ಲಗ್ ಪೋತೆರ್. ಪೋದು ಪಿರ ಬನ್ನಗ ಪಯಸ್ವಿನಿ ಸುದೆಕ್ ಜತ್ತ್‌ದೆರ್. ಅವೆಟ್ ಒರಿ ಜವನೆ ಗೊತ್ತುದಾಂತೆ ಕಯ ಇತ್ತಿ ಜಾಗೆಡ್ ಜತ್ತ್‌ದೆ. ಆಯೆ ನೀರ್‌ಡ್ ಮುರ್ಕುನೆನ್ ತೂದು ಬದ್ಕಾಯೆರ ಪೋತಿನ ಕುಡೊರಿ ಪಾಸಾಡಿಲಾ ನೀರ್‌ಪಾಲಾತೆ. ಮುಟ್ಟದ ಜನೊಕ್ಲೆನ ಸಕಾಯೊಡು ಕಾರ್ಯಾಚರಣೆ ಮಲ್ತ್‌ದ್ ಮುರ್ಕುದಿತ್ತಿ ಜವನೆರೆ ಪುನೊನು ಮಿತ್ತ್ ಕನತ್‌ದ್ಂಡ್.