Last updated on February 13th, 2023 at 08:54 am
ರಾಷ್ಟ್ರೀಯ ಪೆರ್ಯಾದಿ 169 (ಕುಡ್ಲ-ಬೆದ್ರ ಹೈವೇ) ಅಗೆಲ ಮಲ್ಪುನೇಟ್ ಏತೋ ಪರತ್ ಮರೊಕುಲು, ಕಟ್ವಾನೊಲು, ಇಲ್‌ಲ್ಲು ಪೋವೊಂದುಂಡು. ಪಸಂತ್ರ ಪೊರುಂಬಾಟಗಾರೆರ್ ಉಂದೆಕ್ ವಿರುದ್ದವಾದುಲ್ಲೆರ್. ಇತ್ತೆ 109 ವರ್ಸ ಪಿರಾಕ್‌ದ ಕುಡುಪುದ ಸರಕಾರಿ ಪೆರಿಯ ಪ್ರಾಥಮಿಕ ಶಾಲೆ ಪೋಪುಂಡು ಪನ್ಪಿನ ಸುದ್ದಿ ಪಸೆರ್ದ್ಂಡ್.
1914ನೇ ಇಸವಿಟ್ ಈ ಶಾಲೆ ಉದಿಪನ ಆದಿತ್ತ್ಂಡ್. ಅಲ್ಪದ ಕೈತಲ್ದ ನಾಲೂರುಲೆಡ್ ಬಾರೀ ಪುಗಾರ್ತೆದ ಶಾಲೆ ಆದಿತ್ತ್ಂಡ್. ಒಂಜಿ ಕಾಲೊಡು ಈ ಶಾಲೆಡ್ 250 ರ್ದುಲಾ ದಿಂಜ ಜೋಕುಲು ಕಲ್ತೊಂದಿತ್ತೆರ್ ಆಂಡ ಇತ್ತೆ ಕಾಲಿ 26 ಜನ ಜೋಕುಲು ಉಪ್ಪುನು.
ಬಿಇಓ ಹೆಚ್.ಆರ್ ಈಶ್ವರ್ ಮೇರ್, ಶಾಲೆ 72 ಸೆಂಟ್ಸ್ ಜಾಗೊಡು ಉಂಡು. ರಾಷ್ಟ್ರೀಯ ಪೆರ್ಯಾದಿ ಪ್ರಾಧಿಕಾರದಕುಲು ಶಾಲೆದ ಜಾಗೆ ರೋಡು ಅಗೆಲ ಮಲ್ಪರೆ ಪೋಪುಂಡು ಪನ್ದ್ ತೆರಿಪಾದೆರ್, ಈ ವರ್ಸೊರ್ದಿಂಚಿ ಎಂಕುಲು ನೆಟೆ ಇತ್ತಿನ ಮಾತಾ ಜೋಕುಲೆನ್ ಕೈತಲ್ದ ಬೇತೆ ಶಾಲೆಗ್ ಸಾಗಾದ ಪನ್ದ್ ತೆರಿಪಾಯೆರ್.
72 ಸೆಂಟ್ಸ್‌ಡ್ 69 ಸೆಂಟ್ಸ್ ಜಾಗೊನು ರೋಡು ದೆತೊನುಂಡು. ಉಂದೆತ ಪಗತೆಗ್ 1.2 ಕೋಟಿದಾತ್ ಕಾಸ್ ಕೊರ್ಪುಂಡು ಪನ್ದ್ ತೆರಿದ್ ಬೈದ್ಂಡ್. ಎಂಎಲ್‌ಎ ಅಂಚೆನೆ ಬೇತೆ ಅಧಿಕಾರಿಲು ಪೊಸ ಶಾಲೆ ಕಟ್ಟಾವರೆ ಕುಡುಪು ಅನಂತ ಪದ್ಮನಾಭ ದೇಲಂತಡೆದಲ್ಪ ಜಾಗೆ ಗುರ್ತ ಮಲ್ದೆರ್.