ಕಡಬ : ಕಾಡಾನೆಲೆನ್ ಪತ್ತರೆ ರೆಂಜಿಲಾಡಿಗ್ ಬತ್ತಿನ ತಾಂಕನೆದ ಆನೆಲು

Last updated on February 21st, 2023 at 12:10 pm

ಕಡಬ ತಾಲೂಕುದ ರೆಂಜಿಲಾಡಿದ ನೈಲ ಗ್ರಾಮೊಡು ಸೋಮಾರ ಕಾಂಡೆ ಕಾಡಾನೆಲು ದಾಳಿ ಮಲ್ತ್ ರಡ್ಡ್ ಜನ ತೀರಿನ ನಡಕೆನ್ ತುಳುವಾಣಿ ವರದಿ ಮಲ್ದಿತ್ತ್ಂಡ್. ಇತ್ತೆ ಈ ಕಾಡಾನೆಲೆನ್ ಪತ್ತುನ ಬೇಲೆ ಸುರು ಆತ್ಂಡ್. ನಾಗರಹೊಳೆ ಬೊಕ್ಕ ದುಬಾರೆರ್ದ್ ಐನ್ ತಾಂಕನೆದ ಆನೆಲು ಕಾಡಾನೆಲೆನ್ ಪತ್ತರೆಗ್ ಬೈದ.

ಬತ್ತಿನ ಆನೆಲೆನ ಪುದರ್ ಅಭಿಮನ್ಯು, ಪ್ರಶಾಂತ್, ಹರ್ಷ, ಕಂಜನ್ ಬೊಕ್ಕ ಮಹೇಂದ್ರ ಪನ್ದ್ ತೆರಿದ್ ಬೈದ್ಂಡ್. ಈ ಆನೆಲು ಕಾಡಾನೆಲೆನ್ ಪತ್ತುನೆಟ್ಟ್ ಬಿರ್ಸೆರ್ಗೆ. ಲಾರಿಲೆಡ್ ಸೋಮಾರ ಈ ಆನೆಲೆನ್ ಕಡಬಗ್ ಕನದೆರ್. ಕಾಡಾನೆಲೆನ್ ಪತ್ತುನ ಕಜ್ಜಕರಿಪನೆ ಇತ್ತೆ ಸುರು ಆತ್ಂಡ್. ಕುಡ್ಲರ್ದ್ ಬೈದ್ಯೆರೆನ ತಂಡಲ ಪೋತುಂಡು.