Last updated on March 10th, 2023 at 07:59 am
ಕಾಸ್ರೋಡ್: ಎರ್ಮೆದ ದಾಳಿಡ್ ಒರಿ ಸೈತ್‌ದ್ 20ರ್ದ್‌ಲಾ ಎಚ್ಚಿನ ಜನೊಕು ಗಡಿಕುಲಾತಿನ ನಡಕೆ ಕಾಸ್ರೋಡ್‌ಡ್ ನಡತ್‌ದ್ಂಡ್. ಎರ್ಮೆ ಕುತ್ತ್‌ದ್ ಸೈದಿನ ಜನ ಮೊಗ್ರಾಲ್ ಪುತ್ತೂರ್‌ಗ್ ಚಿತ್ರದುರ್ಗೊರ್ದು ಬೇಲೆಗ್ ಬೈದಿತ್ತಿನ ಸಾದಿಕ್(22) ಪಂದ್ ತೆರಿದ್‌ಬೈದ್ಂಡ್.
ಮೊಗ್ರಾಲ್ ಪುತ್ತೂರ್‌ದ ಕಸಾಯಿಖಾನೆಗ್ ಕನತಿನ ಎರ್ಮೆನ್ ಗಾಡಿರ್ದ್ ಜಪ್ಪನಗ ಬಲ್ಲ್ ಕಡಿದ್ ತಪ್ಪಾವೊಂದು ಪೋತುಂಡು. ಬಲ್ತೊಂದಿತ್ತಿನ ಎರ್ಮೆನ್ ಪತ್ಯೆರ ಪುಣೆವೊಂದಿತ್ತಿನ ಸಾದಿಕ್‌ಗ್ ಎರ್ಮೆದ ಕೊಂಬು ಕಂತ್‌ದ್ಂಡ್. ಗಾತಿದ ಗಡಿಯಾದಿತ್ತಿನ ಸಾದಿಕ್‌ನ್ ಕುಡ್ಲದ ಆಸ್ಪತ್ರೆಗ್ ಲೆತೊಂದುಬರ್ಪಿನ ಸಾದಿದ ನಡುಟೇ ಪೆರಣ ಪೋತುಂಡು.
ಈ ಎರ್ಮೆ ಮೊಗ್ರಾಲ್‌ಡ್ ಸುಮಾರ್ 25 ಜನೊಕು ಕುತ್ತ್‌ದ್ಂಡ್ ಪಂದ್ ಊರುದಕುಲು ಪನೊಂದುಲ್ಲೆರ್. ಮಾತೆರೆನ್ಲಾ ಪೋಡಿಕಟ್ಟಾದಿತ್ತಿನ ಎರ್ಮೆನ್ ಪೋಲೀಸೆರ್, ಅಗ್ನಿಶಾಮಕ ದಳ ಬೊಕ್ಕ ಊರುದಕುಲು ಸೇರ್ದ್ ಬಲ್ಲ್ ಪಾಡ್‌ದ್ ಕಡೆಕ್ಲಾ ಅಂಕೆಗ್ ಕನತೆರ್.