Last updated on March 23rd, 2023 at 02:37 pm
“ಮಾತಾ ಕಲ್ವೆರೆಗ್ಲಾ ಮೋದಿ ಪನ್ಪಿನ ಸರ್‌ನೇಮ್ ಉಂಡು” ಪನ್ದ್ ಪನ್ತಿನ ಪಾತೆರದ ಮಿತ್ತ್ ಕಾಂಗ್ರೇಸ್ ನಾಯಕೆ ರಾಹುಲ್ ಗಾಂಧಿನ ಮಿತ್ತ್ ಮಾನನಷ್ಟ ಮೊಕದ್ದಮೆ ಪಾಡ್ದಿತ್ತೆರ್. ಭಾರತೀಯ ದಂಡ ಸಂಹಿತೆ ಸೆಕ್ಷನ್ 504 ತ್ತ ಅಡಿಟ್ ಉಂದೆಕ್ ಸೂರತ್ ನ್ಯಾಯಾಲಯ ರಾಹುಲ್ ಗಾಂಧಿನ್ ದೋಷಿ ಪನ್ದ್ ರಡ್ಡ್ ವರ್ಸ ಜೈಲ್ ಶಿಕ್ಷೆನ್ ಗುರುವಾರ ಘೋಷನೆ ಮಲ್ತ್ಂಡ್.
2019ದ ಲೋಕಸಭಾ ಚುನಾವಣೆತ ಪ್ರಚಾರದ ಸಮಯೊಡು ಕರ್ನಾಟಕದ ಕೋಲಾರದ ರ್ಯಾಲಿ ಒಂಜೆಟ್ಟ್ ಇಂಚ ಪನ್ದಿತ್ತೆರ್ಗೆ. ಉಂದೆಕ್ ಗುಜರಾತ್‌ದ ಶಾಸಕೆ ಪೂರ್ಣೇಶ್ ಮೋದಿ ಮಾನನಷ್ಟ ಕೇಸ್ ಪಾಡ್ದಿತ್ತೆರ್. ನ್ಯಾಯಾಲಯ ಶಿಕ್ಷೆ ಪನಿಬೊಕ್ಕ ರಾಹುಲ್‌ನ ವಕೀಲೆರ್ ಜಾಮೀನ್‌ಗ್ ಅರ್ಜಿ ಪಾಡ್ದೆರ್.