ತುಳುಕು ಮಾನಾದಿಗೆ ಕೊರ್ಪ ಪನ್ಪಿನ ರಾಜಕಾರಣಿನಕಲೆನ ಪಕ್ಷದ ಪ್ರಣಾಳಿಕೆಡ್ ಈ ಪಾತೆರ ಇಜ್ಜಿ

Last updated on April 3rd, 2023 at 09:15 am

ಇಂಚಪ್ಪೊಗು ತುಳು ಭಾಷೆಗ್ ಮಾನಾದಿಗೆ ಬೋಡು ಪನ್ದ್ ಜೋರುಡು ಮಾತಾ ತುಳುವೆರ್ ಲಕ್ಕಿನ ತೂದು ರಾಜಕೀಯ ಪಕ್ಷೊಲುಲಾ ತುಳು ಭಾಷೆನ್ ಕರ್ನಾಟಕದ ಅಧಿಕೃತ ಮಲ್ಪುವ ಪನ್ದ್ ಆಶ್ವಾಸನೆ ಕೊರೊಂದುಲ್ಲೆರ್. ಆಂಡ ಇತೋರ್ತುದಕುಲುಲಾ ಆತೇ ಮಲ್ದಿನಿ, ಕಾಲಿ ಪಾತೆರೊಡು ಮಾತ್ರ, ಕಾಂಗ್ರೇಸ್ ಆವಡ್ ಬಿಜೆಪಿ ಆವಡ್ ತುಳುನು ರಾಜ್ಯದ ರಾಜ್ಯಭಾಷೆ ಮಲ್ಪುನ ಬಗೆಟ್ ತನ್ನ ಪಕ್ಷದ ಅಧಿಕೃತ ಪ್ರಣಾಳಿಕೆಡ್ ಪಾಡಂದಿನ ಇತ್ತೆ ತುಳುವೆರ್ ಮೊಕಲೆನ್ ಡೌಟುಡು ತೂಪಿಲೆಕ್ಕ ಆಂಡ್. ತುಳುನು ರಾಜ್ಯ ಭಾಷೆ ಮಲ್ಪರೆ ಒರಿ ಎಂಎಲ್ಎ ಪ್ರೈವೇಟ್ ಮೆಂಬರ್ ಬಿಲ್ ಚರ್ಚೆ ಮಲ್ಪರೆ ನೋಟೀಸ್ ಕೊರೊಲಿ. ಅವೆನ್ ಸ್ಪೀಕರ್ ಒಪ್ಪಿದ್ ಚರ್ಚೆಗ್ ಆಸ್ಪದ ಕೊರೊಡು. ಉಂದೆನ್ ಆಡಳಿತ ಪಕ್ಷ ಇಜಿಂಡ ವಿರೋಧ ಪಕ್ಷದ ಏರ್ಲಾ ಮಲ್ಪೊಲಿ ಆಂಡ 13 ಶಾಸಕೆರೆಡ್ ಒರಿಯೇ ಒರಿ ಈ ಕಜ್ಜ ಮಲ್ದಿಜೆರ್ ಪನ್ದ್ ತುಳುಪರ ಪೊರುಂಬಾಟಗಾರೆ ರಾಜರಾಮ ಶೆಟ್ರ್ ಉಪ್ಪಳ ಪಂಡೆರ್. ಕಾಲಿ ಎಲೆಕ್ಷನ್ ನ್ ದಿಟ್ಟಿಡ್ ದೀವೊಂದು ಕೊರ್ಪಿನ ಪಾತೆರೊಲೆಗ್ ಬಿಲೆ ಇಜ್ಜಿ. ತುಳು ಭಾಷೆದ ಬಗೆಟ್ ಬದ್ದತೆ ತೋಜಾವೊಡಾಂಡ ಅಧಿಕೃತವಾದ್ ಪ್ರಣಾಳಿಕೆಡ್ ತುಳುನು ಕರ್ನಾಟಕ ರಾಜ್ಯದ ರಾಜ್ಯಭಾಷೆ ಮಲ್ಪುನ ವಿಚಾರೊನು ರಾಜಕೀಯ ಪಕ್ಷೊಲು ಪಾಡೊಡು.