Last updated on August 2nd, 2022 at 10:21 am
ನಮ್ಮ ದೇಶೊಡು ತನ್ನಾಲ್ಮೆ ಬತ್ತ್’ದ್ 75ನೇ ವರ್ಷ ಆಪಿನ ಗೌಜಿದ ಪೊರ್ತುಡು ಇಲ್ಲಿಲ್ಲಡ್ ದೇಶೊದ ಕೊಡಿ ರಾಪಾದ್ ಪರ್ಬ ಮಲ್ಪೊಡು ಪನ್ದ್ ಸರಕಾರ ಗೆರೆತ್ದ್ಂಡ್. ಕೊಡಿ ಪನ್ಪಿನವು ನಮ್ಮ ದೇಶೊನು ಒಂಜಿ ಮಲ್ತಿನೆತ್ತ ಸಂಕೇತ. ಪ್ರಜೆಕುಲು ಆಗಸ್ಟ್ 13ರ್ದ್ 15 ಮುಟ್ಟ ತನ್ಕುಲೆನ ಇಲ್ಲಡ್ ದೇಶೊದ ಕೊಡಿ ಏರಾವೊಲಿ. ದೇಶದ ತನ್ನಾಲ್ಮೆ ಪೊರುಂಬಾಟೊದ ನೆಂಪುಗು ದೇಶೊರ್ಮೆ ಅಲ್ಪಲ್ಪ ಪಾಕ ಲೇಸುಲು ನಡಪರೆಗ್ ಉಂಡು. ಕೊಡಿ ರಾಪಾವರೆ ಅವೆತ್ತನೇ ಆಯಿನ ಸಂಹಿತೆಲು ಉಂಡು, ಜನಕುಲೆಗಾದ್ ಉಂದೆಟ್ ಒಂತೆ ಬದಲಾವಣೆ ಮಲ್ದ್ಂಡ್. ಇಡೀ ದೇಶೊನೆ ಈ ಪರ್ಬೊಡು ಪಾಲ್ ಪಡೆಯುನೆರ್ದಾತ್ರ ಕೊಡಿ ಮಾತೆರೆಗ್ಲಾ ತಿಕ್ಕೊಡು ಪನ್ದ್ ಊರೊರ್ಮೆದ ಪೋಸ್ಟ್ ಆಫೀಸ್’ಲೆಡ್ ಕೊಡಿ ತಿಕ್ಕುನ ವ್ಯವಸ್ಥೆಲಾ ಆತ್ಂಡ್.
ದೇಶೊದ ಕೊಡಿ ಮಾತೆರೆಗ್ಲಾ ಸೇರಿನವು, ಈ ಕೊಡಿತಡಿಟ್ ದೇಶೊದ ಮಾತಾ ಜನಕುಲು ಜಾತಿ, ಬೇಧ, ಧರ್ಮ, ಮಲ್ಲಾದಿಗೆ ಮದತ್’ದ್ ಒಂಜಾತೆರ್. ಇನಿ ಭಾರತದಂಚಿನ ತರತರತ ಪರಪೋಕು , ಭಾಷೆ, ಜನಕುಲು ಉಪ್ಪುನ ದೇಶ ಒಂಜಾತ್ಂಡ ಪಂಡ ಅವೆನ್ ಒಂಜಿಮಲ್ದಿನ ಶಕ್ತಿಲೆಡ್ ನಮ್ಮ ಕೊಡಿಲಾ ಒಂಜಿ.
