Last updated on May 10th, 2023 at 08:41 am
ತುಳುನಾಡ್‌ದ ಕುಡ್ಲ ಬೊಕ್ಕ ಒಡಿಪು ಜಿಲ್ಲೆ ಸೇರ್ದ್ ಒಟ್ಟು 13 ವಿಧಾನಸಭಾ ಕ್ಷೇತ್ರೊಲೆಡ್ ಇನಿ ಕಾಂಡೆ 7 ಗಂಟೆರ್ದ್ ಬಯ್ಯಡ್ 6 ಗಂಟೆ ಮುಟ್ಟ ವೋಟ್ ನಡಪರೆಗುಂಡು. ಬರ್ಪಿ ಸನಿಯಾರ 13ತಾನಿ ವೋಟ್ ಲೆಕ್ಕ ನಡಪುಂಡು.
ಕುಡ್ಲ ಜಿಲ್ಲೆಡ್ 1860 ಅಂಚೆನೇ ಒಡಿಪುಡು 1111 ಮತಗಟ್ಟೆಲೆನ್ ದೀತೆರ್.
ಕುಡ್ಲ ಜಿಲ್ಲೆದ 17,81,389 ವೋಟರ್ಸ್ ಅಂಚೆನೇ ಒಡಿಪು ಜಿಲ್ಲೆದ 10,41,975 ವೋಟರ್ಸ್ ಸೇರ್ದ್ ತುಳುನಾಡ್‌ಡ್ ಒಟ್ಟು 28,23,304 ವೋಟರ್ಸ್ ಉಲ್ಲೆರ್.
ಕುಡ್ಲ ಜಿಲ್ಲೆಡ್ ಒಟ್ಟು 8,70,991 ವೋಟ್ ಪಾಡುನ ಆಂಜೋವುನಕ್ಲ್ ಇತ್ತೆರ್ನ್ಡ ಒಡಿಪುಡ್ ಈ ಸಂಖ್ಯೆ 5,02,836 ಉಂಡು.
ರಡ್ಡ್ ಜಿಲ್ಲೆಲೆಡ್ಲಾ ಪೊಂಜೊವುನಕಲೆನ ಸಂಖ್ಯೆ ಜಾಸ್ತಿ ಇತ್ತ್‌ದ್ ಕುಡ್ಲಡ್ 9,10,314 ಅಂಚೆನೇ ಒಡಿಪುಡು 5,38,823 ಸೇರ್ದ್ ತುಳುನಾಡ್‌ಡ್ ಒಟ್ಟು 14,49,137 ವೋಟ್ ಪಾಡುನ ಪೊಂಜೊವುನಕುಲುಲ್ಲೆರ್.
1,373,827 ಆಂಜೊವುನಕಲೆನ ಎದುರು 75,310 ಪೊಂಜೊವುನಕುಲು ಎಚ್ಚ ಉಲ್ಲೆರ್.
ಅಂಚೆನೇ ಕುಡ್ಲಡ್ 84 ತೃತೀಯ ಲಿಂಗಿಲು ಬೊಕ್ಕ ಒಡಿಪುಡು 13 ಜನ ತೃತೀಯ ಲಿಂಗಿಲು ಸೇರ್ದ್ 97 ತೃತೀಯ ಲಿಂಗಿಲು ವೋಟ್ ಪಾಡ್ರೆಗುಲ್ಲೆರ್.
ಮಾತೆರ್ಲಾ ವೋಟ್ ಪಾಡ್ಲೆ, ಪ್ರಜಾಪ್ರಭುತ್ವೊನು ಗೆಂದಾಲೆ.