Last updated on May 28th, 2023 at 11:33 am
ಕರಿನ ಬಿಜೆಪಿ ಸರಕಾರ ಗುತ್ತಿಗೆ ಆಧಾರೊಡು ಪ್ರವೀಣ್ ನೆಟ್ಟಾರ್ರೆನ ಬೊಡೆದಿ ನೂತನ ಕುಮಾರಿಗ್ ಬೇಲೆ ದೆಪ್ಪಾದ್ ಕೊರ್ದಿತ್ತ್ಂಡ್. ಅವೆತ ಪ್ರಕಾರ ಬೊಮ್ಮಾಯಿ ಸಿಎಂ ಆದಿಪ್ಪುನಮುಟ್ಟ ಇಜಿಂಡ ತಾತ್ಕಾಲಿಕ ನೌಕರಿ ವಜಾ ಆನಮುಟ್ಟ ಬೇಲೆ ಮಲ್ಪೊಲಿ ಪನ್ದ್ ಇತ್ತ್ಂಡ್. ಈ ಪ್ರಕಾರ ಪೊಸ ಸರಕಾರ ಬತ್ತಿನೇ ಗುತ್ತಿಗೆ ಆಧಾರೊಡು ಬೇಲೆಗ್ ಇತ್ತಿನಕಲೆನ್ ದೆಪ್ಪುನ ಆದೇಶ ಕೊರ್ದಿತ್ತ್ಂಡ್, ಆ ಆದೇಶದ ಪ್ರಕಾರ ಸುಮಾರ್ 150 ಜನಕ್ಲೆನ ಬೇಲೆ ಪೋದಿತ್ತ್ಂಡ್ ಅವೆಟ್ ಪ್ರವೀಣ್ ನೆಟ್ಟಾರ್ನ ಬೊಡೆದಿಲಾ ಒರ್ತಿ.
![](https://i0.wp.com/tuluvaani.com/wp-content/uploads/2023/05/IMG-20230528-WA0001.jpg?resize=520%2C356&ssl=1)
ಕೋಡೆ ಈ ವಿಚಾರದ ಬಗೆಟ್ ಟ್ವೀಟ್ ಮಲ್ತಿನ ಸಿಎಂ ಸಿದ್ದರಾಮಯ್ಯೆರ್, ಉಂದು ಪೊಸ ಸರಕಾರ ಬನ್ನಗ ಆಪಿನ ಸಹಜ ಪ್ರಕ್ರಿಯೆ. ಉಂದೆಟ್ ಸರಕಾರದ ಒವ್ವೇ ಹಸ್ತಕ್ಷೇಪ ಇಜ್ಜಿ. ಆಂಡಲಾ ಮಾನವೀಯತೆ ಆಧಾರೊಡು ಉಂದೆನ್ ವಿಶೇಷ ಪ್ರಕರಣ ಪನ್ದ್ ದೆತೊನ್ದು ನೂತನ ಕುಮಾರಿ ಮೆರೆನ್ ಪಿರ ನೇಮಕ ಮಲ್ತೊನುವ ಪನ್ದ್ ಪಂಡೆರ್.