Last updated on May 28th, 2023 at 05:08 pm
ತುಳು ಅಕಾಡೆಮಿ ಸಂಘಟನಾ ಪ್ರಶಸ್ತಿ ಪುರಸ್ಕೃತ ಜೈ ತುಲುನಾಡ್(ರಿ.) ಸಂಘೊದ ವರ್ಸೊದ ಇನಯ ಇನಿ, ಮೇ 28 ತಾನಿ ಕೂಳೂರ್‌ದ ಫಲ್ಗುಣಿ ಹಾಲ್‌ಡ್ ನಡತ್ಂಡ್. ಈ ಇನಯೊಡು ಸಂಘೊದ ಪೊಸ ಕೇಂದ್ರ ಸಮಿತಿದ ಅಜಕೆಲಾ ನಡತ್ಂಡ್.
2023-24ನೇ ಸಾಲ್‌ದ ಕೇಂದ್ರ ಸಮಿತಿದ ಗುರ್ಕಾರೆಯಾದ್ ವಿಶು ಶ್ರೀಕೇರ, ಒತ್ತು ಗುರ್ಕಾರ್ಲಾದ್ ಉದಯ ಪೂಂಜಾ, ಉಮೇಶ್ ಸಾಲ್ಯಾನ್ ಬೊಕ್ಕ ರವೀಶ ಪಡುಮಲೆ, ಕಾರ್ಯಂತೆರಾದ್ ಕಿರಣ್ ತುಲುವೆ, ಒತ್ತು ಕಾರ್ಯಂತೆರಾದ್ ಪೂರ್ಣಿಮಾ ಬಂಟ್ವಾಳ ಬೊಕ್ಕ ರಾಜಶ್ರೀ ತಲಪಾಡಿ, ಪಣವುದ ಪಾಲವೆರಾದ್ ಸಂತೋಷ್ ಕಟ್ಪಾಡಿ, ಒತ್ತು ಪಣವುದ ಪಾಲವೆರಾದ್ ಪೂರ್ಣಿಮಾ ಕಿರಣ್, ಸಂಘಟನಾ ಕಾರ್ಯಂತೆರಾದ್ ಸುಮಂತ್ ಹೆಬ್ರಿ, ಒತ್ತು ಸಂಘಟನಾ ಕಾರ್ಯಂತೆರಾದ್ ಶೇಖರ್ ಗಂಗೆನೀರ್ ಬೊಕ್ಕ ರಾಜೇಶ್ ನೀರುಡೆ, ತುಲು ಲಿಪಿ ಸಮಿತಿದ ನಿದಯೆಂತೆರಾದ್ ಪ್ರಶಾಂತ್ ನಂದಳಿಕೆ, ಒತ್ತು ನಿದಯೆಂತೆರಾದ್ ಅಕ್ಷತಾ ಕುಲಾಲ್, ಪ್ರಚಾರ ಸಮಿತಿದ ನಿದಯೆಂತೆರಾದ್ ಸದಾಶಿವ ಮುದ್ರಾಡಿ, ಮಾಹಿತಿ ಬೊಕ್ಕ ತಂತ್ರಜ್ಞಾನ ಸಮಿತಿದ ನಿದಯೆಂತೆರಾದ್ ಯತೀಶ್ ಮುಂಡೋಡಿ, ತುಲು ಭಾಷಾ ಸಮಿತಿದ ನಿದಯೆಂತೆರಾದ್ ಜಯಪ್ರಸಾದ್ ತುಲುನಾಡ್, ಒತ್ತು ನಿದಯೆಂತೆರಾದ್ ಅನುಷಾ ಸಾಲ್ಯಾನ್ ಅಜತ್ ಬೈದೆರ್.
ಇನಯೊಡು 2022-23ನೇ ಸಾಲ್‌ದ ಸಮಿತಿದ ವರದಿನ್ ರಾಜೇಶ್ ತುಲುವೆ ಓದಿಯೆರ್. ಪಣವುದ ವರದಿನ್ ರಕ್ಷಿತ್ ಕೋಟ್ಯಾನ್ ಓದಿಯೆರ್. ಕುಶಾಲಾಕ್ಷಿ ಕಣ್ವತೀರ್ಥ ಸುಗಿತೊಂದು, ಶರತ್ ಕೊಡವೂರ್ ಎದುಕೊಂದು, ಸುಮಂತ್ ಹೆಬ್ರಿ ಸೊಲ್ಮೆ ಸಂದೈತೆರ್. ಕಿರಣ್ ತುಲುವೆ ಲೇಸ್ ಸುದಾರ್ಮೆ ಮಲ್ತೆರ್.
ಈ ಇನಯೊಡು ಸ್ಥಾಪಕ ಸಮಿತಿ ಬೊಕ್ಕ ಕರಿನ ಕೇಂದ್ರ ಸಮಿತಿದ ಪದುಕೆರ್ ಅಂಚೆನೇ ಸಂಘೊದ ಪದುಕೆರ್ ಪಾಲ್‌ಗೆತೊಂದಿತ್ತೆರ್.