Last updated on August 3rd, 2022 at 11:50 am
ಒಡಿಪುದ ನಗರಸಭೆ ಒಡಿಪು ಸರ್ವೀಸ್ ಬಸ್ ಉಂತುನ ತಾನೊದ ಕೈತಲ್ದ ಪುಷ್ಪ ಬೇಕರಿದ ಎದುರು ಉಪ್ಪುನ ವೃತ್ತೊಗು ಕ್ರಾಂತಿವೀರ ಸಂಗೊಳ್ಳಿ ರಾಯಣ್ಣ ವೃತ್ತ ಪನ್ದ್ ಪುದರ್ ದೀವರೆ ಆಕ್ಷೇಪ ಇತ್ತ್ಂಡ ಅವೆನ್ ನಗರಸಭೆಕ್ ತೆರಿಪಾವೊಡು ಪನ್ದ್ ಪತ್ರಿಕೆ ಪ್ರಕಟಣೆ ಕೊರ್ದಿತ್ತ್ಂಡ್. ಉಂದೆತ ವಿಷಯೊಡು ಪಾಕ ತುಳು ಸಂಘಟನೆಲು ಆಕ್ಷೇಪನೆನ್ ಕೊರ್ತ. ತುಳುವೆರ್ ಕುಡ್ಲ(ರಿ) ಒಡಿಪು ಘಟಕದ ಗುರ್ಕಾರ್ಲಾಯಿನ ಶ್ರೀ ಆದಿತ್ಯ ಭಾಸ್ಕರ್ ಮೇರ್ ತನ್ನ ಸಂಘಟನೆದ ಪರವಾದ್ ಆಕ್ಷೇಪನೆ ಪತ್ರ ಕೊರ್ದು, ಎಂಕ್ಲೆಗ್ ಸಂಗೊಳ್ಳಿರಾಯಣ್ಣನ ಮಿತ್ತ್ ಮಸ್ತ್ ಅಭಿಮಾನ ಉಂಡು, ಆಂಡ ಅರೆನ ಪುದರ್’ಡ್ ಕರ್ನಾಟಕೊದ ಜಾಗೆ ಜಾಗೆಲೆಡ್ ಸುಮಾರ್ ಕಡೆಟ್ ವೃತ್ತ ಮಾತ್ರ ಅತ್ತಂದೆ ಬೆಂಗಳೂರುಡು ರೈಲ್ವೇ ನಿಲ್ದಾಣಲಾ ಉಂಡು.
ತುಳುನಾಡ್’ದ ಏತೋ ಗಣ್ಯ ವ್ಯಕ್ತಿಲು ತುಳುನಾಡ್’ಗಾದ್ ದೇಶೊಗಾದ್ ಸೇವೆ ಮಲ್ದಿನಕುಲುಲ್ಲೆರ್. ರಾಣಿ ಅಬ್ಬಕ್ಕ, ಖಾನ್ ಬಹಾದ್ದೂರ್ ಹಾಜಿ ಅಬ್ದುಲ್ಲಾ, ಅಮ್ಮೆಂಬಳ ಸುಬ್ಬರಾವ್ ಪೈ, ಕೆದಂಬಡಿ ರಾಮೇಗೌಡ, ಕಲ್ಯಾಣಪ್ಪ ಇಂಚಿನ ತುಳುನಾಡ ಗಣ್ಯೆರೆನ ಪುದರ್ ವೃತ್ತೊಗು ದೀಲೆ ಪನ್ದ್ ತೆರಿಪಾಯೆರ್.