ಆಳುಪ ಅರಸೆ ಕುಲಶೇಖರನ ತುಳು ಶಾಸನೊಗು ಕಾಯಕಲ್ಪ

Last updated on June 13th, 2023 at 12:21 pm

ಕುಡ್ಲದ ಕುಲಶೇಖರದ ವೀರನಾರಾಯಣ ದೇವಲ್ಯೊಡು ಒಂತೆ ವರ್ಸ ದುಂಬು 12 ನೇ ಶತಮಾನೊಗು ಸೇರ್ದಿನ ತುಳು ಬರವು ಬೊಕ್ಕ ಬಾಸೆದ ಒಂಜಿ ಶಾಸನ ತಿಕ್ಕುದಿತ್ತ್ಂಡ್. ಆಳುಪ ಅರೆಸೆರೇ ತುಳು ಶಾಸನ ಪಾಡ್‌ದ್ ಆ ಕಾಲೊಡು ತುಳು ಆಡಲ್ತೊದ ಬಾಸೆ ಆದಿತ್ತ್ಂಡ್ ಪನ್ಪಿನೆಕ್ಕ್ ಉಂದು ಪೆರಿಯ ಸಾಕ್ಷಿಯಾದಿತ್ತ್ಂಡ್. ಇಂಚಪ್ಪೊಗು ದೇಲಂತಡೆತ ಜೀರ್ಣೋದ್ಧಾರ ಮಲ್ಪುನಗ ಈ ಶಾಸನೊನು ಅಡಿ ಲಕ್ಕಾದ್ ಬರಿಕ್ ದೀದಿತ್ತೆರ್. ತುಳುವೆರ್ ಈ ಶಾಸನೊನು ಒರಿಪಾವೊಡು ಉಂದು ನಮ್ಮ ಸಾರ ವರ್ಸದ ಇತಿಹಾಸ ಮಾತ್ರ ಅತ್ತಂದೆ ತುಳು ಲಿಪಿತ ಒರಿಪುಗುಪ್ಪುನ ಮಲ್ಲ ಆಧಾರ ಪನ್ದ್ ದೇವಲ್ಯದ ಆಡಳಿತ ಮಂಡಳಿಗ್ ಮನವಿ ಕೊರ್ದಿತ್ತೆರ್. ಆ ಮನವಿಗ್ ಒತ್ತೊನಿನ ಅಲ್ಪದಕುಲು ಇತ್ತೆ ಈ ಶಾಸನೊಗು ಒಂಜಿ ಕಟ್ಟೆ ಕಟ್ಟ್ ದ್ ಒರಿಪಾವುನ ಕಜ್ಜ ಮಲ್ದೆರ್. ತುಳು ಶಾಸನದೊಟ್ಟುಗು ಅಲ್ಪನೇ ಇತ್ತಿನ ಕುಡೊಂಜಿ ಕನ್ನಡ ಬರವುದ ಶಾಸನೊನ್ಲಾ ಒರಿಪಾದೆರ್.