Last updated on August 15th, 2023 at 06:41 pm
ಯಕ್ಷಗಾನ ಲೋಕೊಡು ಎಡ್ಡೆ ಕಲಾವಿದೆಯಾದ್ ಅವೇತೋ ಸಾಧನೆಲೆರ್ದಾವರ ಪುದರ್‌ಪೋತಿನ ತೋನ್ಸೆ ಜಯಂತ್ ಕುಮಾರ್ (77) ಇನಿ ಕಾಂಡೆ ದೇಬೆರೆ ಅಂಗಾರ್ ಸೇರ್ಯೆರ್.
ಪೆರಿಯೆರಾಯಿನ ಜಯಂತ್ ಕುಮಾರ್ ಯಕ್ಷಗಾನೊದ ಸಾಂಪ್ರದಾಯಿಕ ಮೌಲ್ಯೊಲೆನ್ ಒರಿತೊನೆರೆ ಬೋಡಾದ್ ಕೈರ್ದಾಪಿನಾತ್ ಬೆನ್ತೆರ್. ಯಕ್ಷಗುರುವಾದ್‌ ಮಸ್ತ್ ಜನೊಕು ತಾದಿ ತೂಪಾದಿನಾರ್ ಮೇರ್.
ರಾಷ್ಟ್ರ ಪ್ರಶಸ್ತಿ ಪುರಸ್ಕೃತೆ ಸಂಚಾರಿ ಯಕ್ಷಗಾನ ಭಂಡಾರ ತೋನ್ಸೆ ಕಾಂತಪ್ಪ ಮಾಸ್ಟರ್‌ರೆನ ಮಗೆ ಆದ್ ಎಲ್ಯ ಪ್ರಾಯೊರ್ದೇ ಯಕ್ಷಗಾನೊದ ಆಸಕ್ತಿ ಬುಲೆಪಾವೊಂದು ಇನಿಕೋಡೆ ಮುಟ್ಟಲಾ ರಂಗಸ್ಥಳೊಟು ಉಮೇದ್‌ದೀದ್ ಪಾಲ್‌ಗೆತೊನೊಂದಿತ್ತೆರ್.
ಪುದರ್‌ಪೋತಿ ಯಕ್ಷಗಾನ ಮಾನಾದಿಗೆಲೆನ್ ಗೆಂದಿನ ಮೆರೆಗ್ ರಾಷ್ಟ್ರಪತಿ ಮಾನಾದಿಗೆ, ಅಕಾಡೆಮಿ ಪ್ರಶಸ್ತಿ, ಯಕ್ಷಸುಮ ಪ್ರಶಸ್ತಿ, ಕಾಳಿಂಗ ನಾವುಡ ಪ್ರಶಸ್ತಿಲಾ ತಿಕ್ಕ್‌ದ್ಂಡ್
ಎಲ್ಲೆ ಜೂ. 27 ತಾನಿ ಸಂತೆಕಟ್ಟೆ ಗೋಪಾಲಪುರೊಟುಪ್ಪುನ ಇಲ್ಲಡ್ ಕಾಂಡೆ 9 ಗಂಟೆರ್ದ್ ಅಕೇರಿದ ವಿಧಿವಿಧಾನೊಲೆನ್ ಕರಿತ್‌ದ್ ಬೂಡ್‌ದ ಗುಡ್ಡೆ ಮಸಣೊಡು ಅಂತ್ಯಸಂಸ್ಕಾರ ನಡಪರೆ ಉಂಡು.