Last updated on August 15th, 2023 at 06:40 pm
ಕಡಬ: ಇನ್ಸ್ಟಾಗ್ರಾಮ್‌ಡ್ ಗುರ್ತ ಆತಿನ 24 ವರ್ಸ ಪ್ರಾಯೊದ ಪೊಣ್ಣನೊರ್ತಿನ್ ಮೋಕೆ ಮಂತೊಂದುಲ್ಲೆ ಪಂದ್ ನಂಬಾದ್, ಮದಿಮೆ ಆಪೇಂದ್‌ಲಾ ನಂಬಾದ್ ಹೋಟೆಲ್ ರೂಂಡ್ ನಿರಂತರ 20 ದಿನೊ ಮುಟ್ಟ ದೈಹಿಕ ಸಂಪರ್ಕ ಬುಲೆಪಾಯಿನ ಆರೋಪಿ ಒರಿಯನ್ ಪೊಲೀಸೆರ್ ಕೈದ್ ಮಲ್ದೆರ್.
ಸಂತ್ರಸ್ತೆದಿ ಕುಡ್ಲ ಮಹಿಳಾ ಠಾಣೆಡ್ ಒಯಿಲ್ ಕೊರ್ತಲ್. ಆ ಪ್ರಕಾರ ಆರೋಪಿ ಕಡಬ ಮೂಲೊದ ಅನೀಶ್ ರೆಹಮಾನ್ ಪನ್ಪಿನಾಯನ್ ಕೈದ್ ಮಲ್ತ್‌ದ್, ಜೂನ್ 27 ಕ್ ನ್ಯಾಯಂತಡೆಕ್ ಹಾಜಿರ್ ಮಲ್ಪಾದ್ 15 ದಿನೊತ ನ್ಯಾಯಾಂಗ ಬಂಧನೊಡ್ ದೀತೆರ್.
ಮೇ 28 ರ್ದ್ ನಿಚ್ಚೊಲಾ 20 ದಿನ ಮುಟ್ಟ ಕಾಲ ದೈಹಿಕ ಸಂಪರ್ಕ ಮಲ್ದಿನ ಆಯಗ್ ಮದಿಮೆ ಆತಿನ ವಿಚಾರ ತೆರಿದ್ ಬತ್ತಿನೇ ಸಂತ್ರಸ್ತೆದಿ ಒಯಿಲ್ ಬರೆತಲ್.
ಆರೋಪಿ ಅನೀಶ್ ರೆಹಮಾನ್‌ನ ಮಿತ್ತ್ ಕಾವೂರು ಸ್ಟೇಷನ್‌ಡ್ NDPS ಅಡಿಟ್ಲಾ ಪ್ರಕರಣ ದಾಕಲಾತಿನ ಬಗ್ಗೆ ಪೊಲೀಸೆರ್ ತೆರಿಪಾದೆರ್.