Last updated on August 15th, 2023 at 06:40 pm
ಕುಡ್ಲ:ಜೂ.29: ತುಳುನಾಡೊರ್ಮೆ ಇನಿ ಎಡ್ಡೆ ಬರ್ಸ ಬತ್ತ್‌ದ್ಂಡ್. ಕುಡ್ಲ ಪೇಂಟೆಡ್ ಕೆಲಕಡೆಟ್ ಕೃತಕ ನೆರೆತ ಬೋಲ್ಲದ ಪೋಡಿಗೆ ಉಂಡಾತ್ಂಡ್. ಕೊಡಿಯಾಲ್‍ಬೈಲ್ ಭಗವತಿ ನಗರೊಡು ಬೊಲ್ಲದ ನೀರ್ ಉಂತುದು, ಇಲ್ಲ್‌ಲೆನ ಉಲಯಿ ನೀರ್ ಪೊಗ್ಗುದುಂಡು
ಮೀನ್‌ಗಾರಿಕಾ ಕಾಲೇಜಿ ಬೊಕ್ಕ ನಂತೂರು ಪದವು, ಪಂಪ್‍ವೆಲ್‌ಡ್ ಪೆರ್ಸಾದಿದ ರಡ್ಡ್ ಮರ್ಗಿಲ್‌ಡ್ಲಾ ಬರ್ಸದ ನೀರ್ ಉಂತುದು ಗಾಡಿಲು ಪೋವರೆ ಬಂಙ ಆವೊಂದಿತ್ತ್ಂಡ್. ಸಿಟಿ ಆಸ್ಪತ್ರೆದ ಮುಟ್ಟಡ್, ವೆಲೆನ್ಶಿಯಾ ರೋಡ್, ಪಿವಿಎಸ್ ಸರ್ಕಲ್- ಕರಂಗಲಪಾಡಿ ರೋಡ್ ನೆಟೆ ಮಾತ ನೀರ್ ಉಂತುದು, ಸಾರ್ವಜನಿಕೆರ್ ನಡಪೆರಲಾ ಆವಂದಿಲೆಕ ಆದಿತ್ತ್ಂಡ್.
ಚರಂಡಿ ವೆವಸ್ತೆದಾಂತಿನೆರ್ದಾವರ ಇಂಚ ಮಾತ ಆವೊಂದುಂಡು. ಬರ್ಸದ ನೀರ್ ತೋಡುಡು ಪೋಯಿಲೆಕ ರೋಡ್ ಡೇ ಪೋಪಿನೆರ್ದಾವರ ಡಾಮರ್ ರೋಡ್‌ಲಾ ಹಾಲಾಪಿನ ಸಾಧ್ಯತೆ ಉಂಡು. ಮಲ್ಲಿಕಟ್ಟೆ, ಬಜ್ಜೋಡಿ, ಪಾಂಡೇಶ್ವರ ಇಂಚ ಮಸ್ತ್ ಕಡೆಟ್ ನೀರ್ ಉಂತುದು ಕೃತಕ ಬೊಲ್ಲ ಉಂಡಾತ್ಂಡ್. ಕುಡ್ಲ ಮಹಾನಗರ ಪಾಲಿಕೆ ಆಯುಕ್ತೆರ್ ಆನಂದ ಸಿ.ಎಲ್ ಕೆಲ ಪ್ರದೇಶೊಲೆಗ್ ಭೇಟಿ ಕೊರ್ದು ಪರಿಶೀಲಿತ್‌ದೆರ್.