Last updated on August 15th, 2023 at 06:40 pm
ಥಿಯೇಟರ್‌ಲೆಡ್ ಶೇಕಡಾ ಆದಾಯ ಪಟ್ಟುನಗ ತುಳು ಪಿಚ್ಚರ್‌ಲೆಗ್ ಬೇತೆ ಬಾಸೆದ ಪಿಚ್ಚರ್‌ಲೆರ್ದ್ ಕಮ್ಮಿ ಪನವು ಕೊರೊಂದಿತ್ತಿನವು ತೆರಿದಿನವೇ. ಇತ್ತೆ ಉಂದೆನ್ ಪೊಲ್ತು ತುಳು ಪಿಚ್ಚರ್‌ಲೆಗ್ಲಾ ಎಡ್ಡೆ ಆದಾಯ ಉಂಡು, ಕನ್ನಡದ ಪಿಚ್ಚರ್‌ಲೆಗ್ ಸರಿಸಮವಾದ್ ಆದಾಯ ಪಟ್ಟೊಡು ಪನ್ಪಿನ ಐತಿಹಾಸಿಕ ನಿರ್ಧಾರೊನು ಭಾರತ್ ಸಿನಿಮಾಸ್‌ದಕುಲು ಮಲ್ದೆರ್. ಈ ನಿರ್ಧಾರ ತುಳು ಪಿಚ್ಚರ್‌ಲೆಗ್ ಕಾಸ್ ಪಾಡುನಕಲೆಗ್ ಮಾತ್ರ ಅತ್ತಂದೆ ತುಳು ಚಿತ್ರರಂಗೊದ ಬುಲೆಚ್ಚಿಲ್‌ಗ್ಲಾ ಮಲ್ಲ ಬೆರಿಸಾಂಗಾಪುಂಡು. ಇಂಚಪ್ಪೊಗು ಬತ್ತಿನ ತುಳು ಪಿಚ್ಚರ್, ರೂಪೇಶ್ ಶೆಟ್ಟಿನ ಸರ್ಕಸ್ ಸಕ್ಸಸ್ ಆಯಿನೆರ್ದ್ ಬೊಕ್ಕ ಈ ನಿರ್ಧಾರೊಗು ಭಾರತ್ ಸಿನಿಮಾಸ್ ಬೈದೆರ್. ಭಾರತ್ ಸಿನಿಮಾಸ್‌ದಕುಲು ದುಂಬುರ್ದಿಂಚಿಲಾ ತುಳು ಪಿಚ್ಚರ್‌ಲೆಗ್ ಸ್ಕ್ರೀನ್ ಕೊರ್ದು ಬೆರಿಬಲ ಕೊರ್ತಿನಕುಲು.