ಒಡಿಪು : ಬರ್ಸರ್ದ್ ತೀರಿನಕ್ಲೆಗ್ ಐನ್ ಲಕ್ಷ ಪರಿಹಾರ ಘೋಷಣೆ ಮಲ್ತಿನ ಲಕ್ಷ್ಮೀ ಹೆಬ್ಬಾಳ್ಕರ್

Last updated on August 3rd, 2023 at 08:26 pm

ಒಡಿಪುರ್ದು ಕರಿನ ಒಂಜಿ ವಾರರ್ದ್ ಬತ್ತಿನ ರಣಬೊಲ್ಲರ್ದ್ ಕೆಲವು ಜನ ತೀರ್ದೆರ್. ಕೋಡೆ ಪಂಡ 08/07/23 ಕ್ಕ್ ಒಡಿಪುಗ್ ಬತ್ತಿನ ಒಡಿಪು ಜಿಲ್ಲೆದ ಉಸ್ತುವಾರಿ ಸಚಿವೆರ್ ಲಕ್ಷ್ಮೀ ಹೆಬ್ಬಾಳ್ಕರ್ ಬೊಲ್ಲದ ಬಗೆಟ್ಟ್ ವರದಿ ಗೆತೊಂದು ಪರಿಶೀಲನೆ ಮಲ್ತೆರ್.

ಬೊಲ್ಲ ಬೈದಿನ ಜಾಗೊಲೆಗ್ ಪೋದು ತೂದು ಅಲ್ಪ ಆವೊಡಾಯಿನ ಕಜ್ಜದ ಬಗ್ಗೆ ಅಧಿಕಾರಿಲೆಗ್ ತೆರಿಪಾಯೆರ್. ಬೊಲ್ಲರ್ದ್ ತೀರ್ದಿನ ಒಡಿಪು ಜಿಲ್ಲೆದಕ್ಲೆಗ್ ಐನ್ ಲಕ್ಷ ಪರಿಹಾರನ್ ಈ ಪೊರ್ತುಡು ಘೋಷಣೆ ಮಲ್ತೆರ್.

ಬೊಲ್ಮನ್‌ಡ್ ಮರ ಬೂರ್ದು ತೀರಿನ ಪ್ರವೀಣ್‌ನ ಇಲ್ಲಡೆ ಪೋದು ಲಕ್ಷ್ಮೀ ಹೆಬ್ಬಾಳ್ಕರ್ ಪರಿಹಾರ ಕೊರ್ದು ಇಲ್ಲ ದಕ್ಲೆಗ್ ಸಮಾಧಾನ ಮಲ್ತೆರ್. ಈ ಪೊರ್ತುಡು ಕಾಪುದ ಶಾಸಕೆರ್ ಗುರ್ಮೆ ಸುರೇಶ್ ಶೆಟ್ಟಿಲಾ ಸಚಿವರ್ನ ಒಟ್ಟುಗು ಇತ್ತೆರ್.