Last updated on August 19th, 2023 at 04:42 pm
ಕುಟುಮದಕಲೆನ ವಿರೋಧ ಉಪ್ಪುನಗಲಾ ಬೇತೆ ಜಾತಿದಾಯನ ಮದ್ಮೆ ಆವರೆ ಬಯಕಿನೆಕ್ಕ್ ಪೊಣ್ಣನ ಅಪ್ಪೆಮ್ಮೆ ಬೊಕ್ಕ ಪಲಯೆ ಕಂಟೆಲ್ ಪೊಜೆಂಕ್ದ್ ಕೆರ್ತೆರ್. ತೀರಿನ ಪೊಣ್ಣು ಗುರುಗ್ರಾಂ ಜಿಲ್ಲೆದ ಅಂಜಲಿ ಪನ್ದ್ ತೆರಿದ್ ಬೈದ್ಂಡ್.
ಅಂಜಲಿ ಒಂಜಿ ವರ್ಸದ ದುಂಬು ಸಂದೀಪ್ ಪನ್ಪಿ ಆನನ್ ಮದ್ಮೆ ಆದಿತ್ತೆರ್. ಸಂದೀಪ್ ಅಕಲೆನನೇ ಗ್ರಾಮದ ಆನ್ ಆಂಡ ಬೇತೆ ಜಾತಿಗ್ ಸೇರ್ದಿನಾಯೆ. ಮೊಕುಲು ಗುರುಗ್ರಾಂಡ್ ಒಂಜಿ ಬಾಡಿಗೆಗ್ ಪ್ಲಾಟ್ ಮಲ್ತ್ ಬದುಕೊಂದಿತ್ತೆರ್. ಸಂದೀಪ್ ಕೊರಿನ ಒಯಿಲ್‌ದ ಪ್ರಕಾರ, ಇಲ್ಲಡ್ ಏರ್ಲಾ ಉಪ್ಪಂದಿನಪಗ ಅಲೆನ್ ಅಲ್ನ ಇಲ್ಲದಕುಲು ಕೆರ್ದ್ ಸಾಕ್ಷಿ ನಾಶ ಮಲ್ಪರೆ, ತಾಪುರ್ತೋಪು ಪುನ ಪೊತ್ತಾದೆರ್ ಪನ್ದ್ ಉಂಡು. ಸಂದೀಪ್‌ಗ್ ಪನಂದೆನೇ ಪುನ ಪೊತ್ತಾದೆರ್.
ಸಂದೀಪ್ನ ಒಯಿಲ್‌ದ ಮಿತ್ತ್ ಪೋಲೀಸೆರ್ ಪ್ರಕರಣ ಪಾಡೊಂದು, ಅಕಲೆನ್ ಅರೆಸ್ಟ್ ಮಲ್ತ್ ಜಡ್ತೆ ಮಲ್ಪುನಗ, ಅಂಜಲಿ ಎಂಕ್ಲೆನ ಪಾತೆರ ಕೇನಂದೆ ಇತ್ತಿನೆಕ್ಕ್ ಕೆರಿನೆನ್ ಒತ್ತೊಂದೆರ್.