Last updated on August 20th, 2023 at 10:18 am
ಕುಡ್ಲ : ಶನಿವಾರ ಸುದ್ದಿಗೋಷ್ಟಿ ಲೆತ್ತ್ ಪಾತೆರಿನ ಕೆಪಿಸಿಸಿ ಉಪಾಧ್ಯಕ್ಷೆ ಐವನ್ ಡಿಸೋಜಾ ಮೇರ್ ಬಿಜೆಪಿದ ಮಿತ್ತ್ ವಾಕ್ ದಾಳಿ ಮಲ್ತೆರ್. ಬಿಜೆಪಿ ರಾಜ್ಯೊಡು ಸಮ ಆವಂದಿನಾತ್ ಅಧಃಪತನೊಗು ಪೋತುಂಡು. ಅಕ್ಲೆನ ಉಲತ್ತುಲಾಯಿದ ಗುಂಪುಗಾರಿಕೆರ್ದಾವರ ನನಲ ವಿರೋಧಪಕ್ಷದ ನಾಯಕೆ ಅಂಚೆನೆ ರಾಜ್ಯಾಧ್ಯಕ್ಷನ್ ಅಜಪರೆ ಅಕಲೆಗ್ ಆತಿಜಿ. ಬಿಜೆಪಿ ರಾಜ್ಯಾಧ್ಯಕ್ಷೆ ನಳೀನೆರೆನ ಅವಧಿ ಆತ್ಂಡ್ ಆರ್ ಇತ್ತೆ ಎಕ್ಸ್‌ಪೈರ್ ಆತಿನ ಮರ್ದ್‌ಲೆಕ್ಕ ಆತೆರ್ ಪನ್ದ್ ಟೀಕೆ ಮಲ್ತೆರ್.
ಬಿಜೆಪಿ ಸರಕಾರದ ಕಮಿಷನ್ ಬಗೆಟ್ ಜಡ್ತೆ ಮಲ್ಪರೆ ಸಮಿತಿ ಉಂಡು ಮಲ್ದ್ಂಡ್. ಮಲ್ಲಿಕಾರ್ಜುನ ಖರ್ಗೆ ಮಲ್ದಿನ ಅರ್ಧದಾತ್ ಬೇಲೆಲಾ ನಮ್ಮ ಸಂಸದೆರ್ ಮಲ್ದಿಜೆರ್. ಕುಡ್ಲಗ್ ಮೆಟ್ರೋ ಕನ್ಪಾದೊಲಿ, ಅವ್‌ಲಾ ಮಲ್ದಿಜೆರ್. ಪಂಪ್‌ವೆಲ್‌ದ ಬೇಲೆಲ ಸಮೊಟು ಆತಿಜಿ ಪನ್ದ್ ಆರೋಪ ಮಲ್ತೆರ್.