Last updated on August 26th, 2023 at 08:39 am
ಸೆಕೆಂಡ್ ಪಿಯುಸಿ ಜವನೆ ಒರಿ ಬಲ್ಲ್ ಪಾಡೊಂದು ಆತ್ಮಹತ್ಯೆ ಮಲ್ತೊಂದಿನ ನಡಕೆ ಶಕ್ತಿನಗರ ನಾಲ್ಯಪದವುಡು ಗುರುವಾರ ನಡತ್‌ದ್ಂಡ್.
ಹರ್ಷದ್‌ ಕೌಶಲ್‌ (17) ತೀರ್ದಿನ ಜವನೆ. ಉ್ಂಬ್ಯೆ ಪೇಂಟೆದ ಖಾಸಗಿ ಕಾಲೇಜಿಡ್ ಕಲ್ತೊಂದಿತ್ತ್‌ದ್, ಬಾರಿ ಉಷಾರಿತ್ತೆ. ಗುರುವಾರ ಬಯ್ಯಡ್ ಕಾಲೇಜಿರ್ದ್ ಇಲ್ಲಗ್ ಬತ್ತಿನ ಕೌಶಲ್‌ ಇಂಚ ಮಲ್ತೊಂದೆ.
ಇಲ್ಲದ ಮಿತ್ತ ಮಾಲಿಗೆಡ್ ಕೌಶಲ್‌ ಮಾತ್ರ ಇತ್ತೆ. ತಿರ್ತ್ ಆಯನ ಅಜ್ಜಿ ಬೊಕ್ಕ ಒರ್ತಿ ಪೊಣ್ಣು ಇತ್ತೆರ್. ಅಪ್ಪೆ-ಅಮ್ಮೆ ಬೇಲೆಗ್ ಪೋದಿತ್ತೆರ್. ಬಯ್ಯ 5.30ತ ಅಂದಾಜಿಗ್ ಅಪ್ಪೆ ಬೇಲೆದಲ್ತ್ ಮಗಕ್ ಕಾಲ್ ಮಲ್ತಿತ್ತೆರ್. ಕೌಶಲ್‌ ಕಾಲ್ ದೆತ್ತಿಜ್ಜಂಡ್. ಅಪ್ಪೆ ಅಪಗನೇ ಹರ್ಷದ್‌ನ ಅಜ್ಜಿಗ್ ಕಾಲ್ ಮಲ್ತ್‌ದ್ ತೆರಿಪಾದೆರ್. ಬೊಕ್ಕ ಮಾಲಿಗೆದ ಅದೆಕ್ ಪೋದು ತೂನಗ ಬಲ್ಲ್ ಪಾಡೊಂದು ಆತ್ಮಹತ್ಯೆ ಮಲ್ತೊಂದಿನ ಗೊತ್ತಾತ್ಂಡ್. ಕಂಕನಾಡಿ ನಗರ ಸ್ಟೇಶನ್‌ಡ್ ಪ್ರಕರಣ ದಾಕಲಾತ್ಂಡ್.