Last updated on September 9th, 2023 at 05:43 am
ನಮ್ಮ ಜಿಲ್ಲೆಡೇ ಕುಡ್ಲ(ಉಳ್ಳಾಲ) ಕ್ಷೇತ್ರೊನು ಒಂಜಿ ಮಾದರಿ ಕ್ಷೇತ್ರ ಆದ್ ಮಲ್ಪುನ ಈಡ್ ಉಂಡು. ನೀರ್, ತಾದಿ, ವಿದ್ಯುತ್‌ದಂಚಿನ ಮಾತಾ ವ್ಯವಸ್ಥೆಲೆನ್ ಮಲ್ಪುವೆ. ದೂರದೃಷ್ಟಿ ದೀದ್ ಅಭಿವೃದ್ದಿ ಮಲ್ಪುವೆ ಪನ್ದ್ ರಾಜ್ಯ ವಿಧಾನಸಭೆತ ಸ್ಪೀಕರ್ ಆಯಿನ ಯು.ಟಿ ಖಾದರ್ ಮೇರ್ ಪನ್ಡೆರ್.
ಕುಡ್ಲ ಸರ್ಕಿಟ್ ಹೌಸುಡು ಮಾಧ್ಯಮೊಲೆನೊಟ್ಟುಗು ಪಾತೆರಿನ ಖಾದರ್, ಕ್ಷೇತ್ರೊನು ಉದ್ದಾರ ಮಲ್ಪರೆ ಬೋಡಾಪಿನ ಮಾರ್ಗಸೂಚಿಲೆನ್ ಎಂಕುಲು ಮಲ್ದ, ಉಳ್ಳಾಲ – ತೊಕ್ಕೊಟ್ಟು ಸಬ್‌ಸ್ಟೇಷನ್‌ನ್ ದುಂಬುದ ದಿನೆೊಟು ಸಬ್‌ಡಿವಿಷನ್ ಆದ್ ಮಲ್ಪುವ. ಕೋಟೆಪುರಟ್ ಮಿನಿ ಜೆಟ್ಟಿ ಕಟ್ಟುನ ಪ್ಲಾನ್ ಉಂಡು. ಸಜಿಪರ್ದ್ ತುಂಬೆಮುಟ್ಟ ಸಂಕ ಕಟ್ಟುನ ಯೋಜನೆಲಾ ಸರಕಾರ ಪಾಡೊಂದುಂಡು ಪನ್ದ್ ಪನ್ಡೆರ್.