ಆಂಧ್ರ ಪ್ರದೇಶೊದ ಮಾಜಿ ಮುಖ್ಯಮಂತ್ರಿ ಚಂದ್ರಬಾಬು ನಾಯ್ಡು ಅರೆಸ್ಟ್

Last updated on September 9th, 2023 at 02:11 pm

ಮಾಜಿ ಮುಖ್ಯಮಂತ್ರಿ, ಟಿಡಿಪಿ ಪಕ್ಷೊದ ನಾಯಕೆ ಚಂದ್ರಬಾಬು ನಾಯ್ಡು ಮೆರೆನ್ ಸೆ.9ನೇ ಶನಿವಾರ ಆಂಧ್ರದ ನಂದ್ಯಾಲಡ್ ಕಾಂಡೆ ಸಿಐಡಿ ಪೊಲೀಸೆರ್ ಕೈದ್ ಮಲ್ದೆರ್.

ಚಂದ್ರಬಾಬು ನಾಯ್ಡು ಸ್ಕಿಲ್‌ ಡೆವಲಪ್‌ಮೆಂಟ್ ಯೋಜನೆಡ್ 371 ಕೋಟಿ ರೂ. ಅಕ್ರಮ ಮಲ್ತ್‌ದ್, ಹಗರಣೊದ ಬಗೆಟ್ ಸಮ ಸದು ಕೊರಂದಿನೆರ್ದಾವರ ಹೈಕೋರ್ಟ್ದ ಸೂಚನೆದ ಮಿತ್ತ್ ಕೈದ್ ಮಲ್ದೆರ್.

ಚಂದ್ರಬಾಬು ನಾಯ್ಡು ವಿರುದ್ದ 58 ಕೋಟಿ ರೂಪಾಯಿ ಯೋಜನೆದ ಕರ್ಚಿನ್ 371 ಕೋಟಿ ರೂಪಾಯಿಗ್ ಏರಾದಿನ ಆರೋಪ ಕೇಂದ್ ಬತ್ತಿತ್ತ್ಂಡ್. ಈ ಹಗರಣೊದ ಬಗೆಟ್ ಸಮ ಸದು ಕೊರಂದಿನೆರ್ದಾವರ ಹೈಕೋರ್ಟ್‌ದ ಸೂಚನೆದ ಲೆಕ ಐಪಿಸಿ ಸೆಕ್ಷನ್ 166, 167, 481, 420, 465, 468, 471, 409, 201, r/w 109, 34 ಬೊಕ್ಕ 37ತ ಅಡಿಟ್ ಆರೆನ್ ಕೈದ್ ಮಲ್ದ್ಂಡ್.