Last updated on September 11th, 2023 at 04:34 pm
ಬೊಲ್ತೇರ್ : ಶಾಲೆ ಜೋಕುಲೆನ್ ಲೆತೊಂದು ಪೋವೊಂದಿತ್ತಿನ ಅಟೋ ರಿಕ್ಷಾ ಒಂಜಿ ಕಬ್ಬೆ ಬೂರ್ದು ಎಣ್ಮ ಜೋಕುಲೆಗ್ ಎಲ್ಯೆಲ್ಯ ಗಡಿಕುಲಾತಿನ ನಡಕೆ ಬೊಲ್ತೇರ್ ತಾಲೂಕ್‌ದ ಮೂಜಿಗೋಳಿಡ್ ಇನಿ ನಡತ್‌ದ್ಂಡ್.
ಕಲ್ಲೇರಿ ಮೂಡಡ್ಕದ ಅಲ್ ಮದೀನಾತುಲ್ ಮುನಾವರ ಆಂಗ್ಲ ಮಾಧ್ಯಮ ಶಾಲೆಗ್ ಜೋಕುಲೆನ್ ಲೆತೊಂದು ಪೋವೊಂದಿತ್ತಿನ ಅಟೋ ರಿಕ್ಷಾ ಮೂಜಿಗೋಳಿ ದಲ್ಪ ಕಬ್ಬೆ ಬೂರ್ದ್ಂಡ್.
ದ್ವಿಚಕ್ರ ಗಾಡಿಯೊಂಜಿ ಅಡ್ಡ ಬತ್ತಿನೆರ್ದಾವರ, ಡ್ರೈವರ್‌ನ ಅಂಕೆರ್ದ್ ತತ್ತಿನ ಅಟೋ ರಿಕ್ಷಾ ಕಬ್ಬೆ ಬೂರ್ದ್ಂಡ್.
ಈ ನಡಕೆಡ್ ರಿಕ್ಷಾಡಿತ್ತಿನ 8 ಜೋಕುಲೆಗ್ ಎಲ್ಯೆಲ್ಯ ಗಡಿಕುಲಾತ. ಉಬಾರ್ ಸಮುದಾಯ ಆಸ್ಪತ್ರೆಡ್ ಪ್ರಥಮ ಚಿಕಿತ್ಸೆ ಗೆತೊಂದು ಇಲ್ಲಗ್ ಪೋತೆರ್.