Last updated on September 19th, 2023 at 10:49 am
ಬೆಂಗಳೂರುಡು ದಿನೊರ್ದು ದಿನ ಎಚ್ಚಿಗೆ ಆವೊಂದಿಪ್ಪುನ ಟ್ರಾಫಿಕ್ ಸಮಸ್ಯೆನ್ ಒಂತೆ ಸಮ ಮಲ್ಪರೆ ಶಾಲೆ, ಕಾರ್ಕಾನೆಲೆನ ಪೊರ್ತು ಪಗಪುನ ಬಗೆಟ್ ಸರಕಾರ ಎನ್ನೊಡು ಪನ್ದ್ ಹೈಕೋರ್ಟ್ ತೆರಿಪಾದ್ಂಡ್. ಅಂಚಾದ್ ಶಾಲೆ ಸುರು ಆಪಿನ ಪೊರ್ತು ಕಾಂಡೆ 9ರ್ದ್ 8ಗು ಪಗಪುನ ಸಾಧ್ಯತೆ ಉಂಡು.
ಆಂಡ ಖಾಸಗಿ ಶಾಲೆಲೆನ ಒಕ್ಕೂಟ ಬೊಕ್ಕ ಜೋಕುಲೆನ ಅಪ್ಪೆಮ್ಮಲ್ಲು ಉಂದೆಕ್ ವಿರೋಧ ಮಲ್ತೊಂದುಲ್ಲೆರ್ ಪನ್ದ್ ತೆರಿದ್ ಬೈದ್ಂಡ್. ಅಂಚಾದ್ ಶಿಕ್ಷಣ ಇಲಾಖೆ ಚೌತಿರ್ದ್ ಬೊಕ್ಕ ಮಾತೆರೆನ ಸಭೆ ಲೆತ್ತ್ ನಿರ್ಧಾರ ಮಲ್ಪುನ ಅಟ್ಟನೆಡ್ ಉಲ್ಲೆರ್.