Last updated on September 26th, 2023 at 07:09 pm
ಕೊಟ್ಟಾಯಂ : ನಾಯಿ ತಾಂಕನೆದ ಕೇಂದ್ರ ಪನ್ದ್ ಬೋರ್ಡ್ ಪಾಡೊಂದು ಗಾಂಜಾ ಮಾರೊಂದಿತ್ತಿನ ಜಾಗೆಗ್ ಪೋಲೀಸೆರ್ ದಾಳಿ ಮಲ್ತ್ ಮಲ್ತ್ ಗಾಂಜೊನು ವಸಯ ಮಲ್ತೊಂದೆರ್.
ರಾಬಿನ್ ಜಾರ್ಜ್ ಪನ್ಪಿನಾಯೆ, ಕರಿನ ಕೆಲವ್ ಸಮಯೊರ್ದಿಂಚಿ ಡೆಲ್ಟಾ K9 ಪನ್ಪಿನ ನಾಯಿ ತಾಂಕನೆದ ಕೇಂದ್ರ ಮಲ್ದಿತ್ತೆ. ಬಾಡಾಯಿದ ಇಲ್ಲಡ್ ಇತ್ತಿನಾಯೆ ಉಂಬೆ ಇಲ್ಲದುಲಾಯಿ ಏರೆನ್ಲಾ ಬರ್ರೆ ಬುಡೊಂದಿತ್ತಿಜೆ. ಗಾಂಜಾ ದೆತೊನರೆ ಬರೊಂದಿತ್ತಿನಕಲೆನ್ ಪಿದಯಿಡೇ ಪಾತೆರ್ಪಾದ್ ಡೀಲ್ ಮಲ್ತೊಂದಿತ್ತೆ.
ಗಾಂಜಾ ಮಾರೊಂದಿತ್ತಿನ ರಾಬಿನ್ ತನ್ನ ನಾಯಿಲೆಗ್ ಅಟ್ಯಾಕ್ ಮಲ್ಪರೆ ಪೂರಾ ಟ್ರೈನಿಂಗ್ ಕೊರ್ದಿತ್ತೆ. ಪೋಲೀಸೆರ್ ಪನ್ಡ ಏರಾಂಡಲ ಕಾಕಿ ಕುಂಟು ಪಾಡ್ಂಡ ಅಕಲೆನ ಮಿತ್ತ್ ಅಟ್ಯಾಕ್ ಮಲ್ಪರೆ ಟ್ರೈನ್ ಮಲ್ದಿತ್ತೆ. ಪೋಲೀಸೆರ್ ಉಂಬ್ಯನ್ ಪತ್ತರೆ ಬನ್ನಗ ಅಕಲೆನ ಮಿತ್ತ್ ನಾಯಿ ಬುಡ್ದ್ ಕೌಂಪೌಂಡ್ ಲಾಗಿದ್ ಬಲ್ದಿತ್ತೆ. ಈ ನಾಯಿಲೆರ್ದ್ ಬಚಾವ್ ಆವರೆ ಪೋಲೀಸೆರೆಗ್ ಸುಮಾರ್ ಪೊರ್ತು ತಾಗ್ಂಡ್. ಅಲ್ಪ ಪೋಲೀಸೆರೆಗ್ 17 ಕೆಜಿ ಗಾಂಜಾ ತಿಕ್ಕ್ಂಡ್. ಬಲ್ದಿನ ರಾಬಿನ್ ನ್ ನನಲ ಪೋಲೀಸೆರ್ ನಾಡೊಂದುಲ್ಲೆರ್.