Last updated on October 15th, 2023 at 08:03 am
ತುಳುವೆರೆಗ್ ಅಪ್ಪೆ ಬಾಸೆದ ಮಿತ್ತ್ ಮೋಕೆ ಅಭಿಮಾನ ಇಜ್ಜಿಡಲಾ ಕನ್ನಡದ ಮಿತ್ತ್ ಮೋಕೆ ಉರ್ಕಾರುಂಡು. ತೆನ್ಕಾಯಿ ರೈಲ್ವೇ ತನ್ನ ವ್ಯಾಪ್ತಿದ ಕುಡ್ಲ ಜಂಕ್ಷನ್ ರೈಲ್ವೇ ಸ್ಟೇಷನ್‌ಡ್ ಕನ್ನಡ ಬಾಸೆ ದಾಂತಿನ ಪುದರ್ ಪಲವೆ ಪಾಡಿನ ಇತ್ತೆ ತುಳುವೆರೆನ ಪಿಸಿರಿಗ್ ನೆವನ ಆತ್ಂಡ್.
ಮಲಯಾಳಂ, ಹಿಂದಿ ಬೊಕ್ಕ ಇಂಗ್ಲೀಷ್‌ಡ್ ಮಾತ್ರ ಮಂಗಳೂರು ಜಂಕ್ಷನ್ ರನ್ನಿಂಗ್ ರೂಂ ಪನ್ಪಿನ ಪೊಸ ಪಲವೆ ಪಾಡ್ದಿತ್ತೆರ್. ಉಂದೆನ್ ತೂಯಿನ ತುಳುನಾಡ್‌ದ ರೈಲ್ವೇ ಸಂಘಟನೆದ ಸದಸ್ಯೆರ್ ಬಯಂಕರ ಪಿಸಿರಾದ್ ತನ್ಕುಲೊನ ಮೋಕೆದ ಬಾಸೆ ಕನ್ನಡ ದಾಂತಿನ ಬಗೆಟ್ ಪಾಲಕ್ಕಾಡ್ ವಿಭಾಗದ ಅಧಿಕಾರಿಲೆಗ್ ದೂರು ಕೊರ್ದಿತ್ತೆರ್.
ಮೊಕಲೆನ ಒತ್ತದೊಡು ಬಗ್ಗಿನ ಅಧಿಕಾರಿಲು ಶನಿವಾರನೇ ಪಾಡಿನ ಪಲವೆನ್ ದೆತ್ತೆರ್. ಪೊಸ ಪಲವೆಡ್ ಕನ್ನಡ ಬೋಡೇ ಬೋಡು ಪನ್ದ್ ತುಳುನಾಡ್‌ದ ರೈಲ್ವೇ ಗಲಸುನಕುಲು ಆಗ್ರಹ ಮಲ್ದೆರ್.