Last updated on October 14th, 2023 at 08:36 pm
ಅಹ್ಮದಾಬಾದ್‌ದ ನರೇಂದ್ರ ಮೋದಿ ಸ್ಟೇಡಿಯಂ‌ಡ್ ನಡತಿನ ಏಕದಿನ ವಿಶ್ವಕಪ್‌ 2023ದ 12ನೇ ಗೊಬ್ಬುಡು ಭಾರತ ಬೊಕ್ಕ ಪಾಕಿಸ್ತಾನ ಎದುರೆದುರಾಯ.
ಟಾಸ್ ಸೋತ್‌ದ್ ಬ್ಯಾಟಿಂಗ್‌ಗ್ ಜತ್ತಿನ ಪಾಕಿಸ್ತಾನದ ಕಡೆರ್ದ್ ಭಾರತೊದ ಬೌಲಿಂಗ್‌ದ ಪೆಟ್ಟ್‌ಗ್ ಸುರುತ ನಾಲ್ ಜನ ಬ್ಯಾಟ್ಸ್‌ಮನ್‌ನಕಲೆನ್ ಬುಡ್ಂಡ ಬೇತೆ ಏರ್ನ ಬ್ಯಾಟ್‌ರ್ದ್‌ಲಾ ರನ್ ಬತ್ತಿಜಿ. ಬಾಬರ್ ಅಜ಼ಮ್-50, ಮೊಹಮ್ಮದ್ ರಿಜ಼್ವಾನ್ – 49, ಇಮಾಮ್ ಉಲ್ ಹಕ್ – 36 ರನ್ ಪಾಕಿಸ್ತಾನೊದ ಕಡೆರ್ದ್ ಎಚ್ಚ ರನ್ ಒಟ್ಟು ಮಲ್ತಿನಕುಲಾಯೆರ್. ಭಾರತೊದ ಬೌಲರ್ಸ್ ಜಸ್ಪ್ರೀತ್ ಬೂಮ್ರಾ, ಮೊಹಮ್ಮದ್ ಸಿರಾಜ್, ಹಾರ್ದಿಕ್ ಪಾಂಡ್ಯ, ಕುಲ್‌ದೀಪ್ ಯಾದವ್ ಬೊಕ್ಕ ರವೀಂದ್ರ ಜಡೇಜಾ ಐನ್ ಜನೊಲಾ ರಡ್ಡ್ ರಡ್ಡ್ ವಿಕೆಟ್ ಗೆತೊಂದು ಪಾಕಿಸ್ತಾನೊನು 191 ರನ್‌ಗ್ ಕಟ್ಟ್‌ದ್ ಪಾಡ್ಯೆರ್.
ರಡ್ಡನೇ ಇನ್ನಿಂಗ್ಸ್‌ಡ್ ಗೆಂದೆರ 192 ರನ್‌ದ ಈಡ್‌‌ನ್ ಬೆರಿ ಪತ್ತೆರೆ ಜತ್ತಿನ ಬ
ಭಾರತ ರೋಹಿತ್ ಶರ್ಮಾನ 86 ಬೊಕ್ಕ ಶ್ರೇಯಸ್ ಅಯ್ಯರ್‌ನ ಅರ್ಧ ಶತಕೊರ್ದಾವರ 31ನೇ ಓವರ್‌ಡೇ 192 ರನ್‌ದ ಈಡ್ ಮುಟ್ಟುದ್ ಪಾಕಿಸ್ತಾನೊದ ಎದುರು ಏಕದಿನ ವಿಶ್ವಕಪ್‌ಡ್ ಗೊಬ್ಬುದಿನ ಮಾತ 8 ಗೊಬ್ಬುಲೆಡ್ ಗೆಂದ್‌ದ್ ದಾಖಲೆ ಮಲ್ತ್ಂಡ್.