ಬಂಟ್ವಾಳ : ಒಡು ಕೆರ್ದ್ ಸೋಶಿಯಲ್ ಮೀಡಿಯಾಡ್ ಪಾಡಿನವು ಇತ್ತೆ ಅರಣ್ಯ ಇಲಾಖೆದ ಕೇಸ್!

Last updated on October 15th, 2023 at 03:44 pm

ಒಡು ಒಂಜೆನ್ ಕೆರ್ದ್ ಅವೊನೇ ಪತೊಂದು ಪಟ ದೆತ್ತ್ ಪಾಡ್ದಿನ ಜನತ ಮಿತ್ತ್ ಅರಣ್ಯ ಇಲಾಖೆದಕುಲು ಕೇಸ್ ಪಾಡಿನ ನಡಕೆ ಬಂಟ್ವಾಳದ ವಗ್ಗಡ್ ಬೊಲ್ಪುಗು ಬೈದ್ಂಡ್.

ಒಡುನು ಕೆರಿನಾರ್ ವಗ್ಗದ ಸುಧಾಕರ್ ಪನ್ಪಿನಾರ್ ಪನ್ದ್ ತೆರಿದ್ ಬೈದ್ಂಡ್. ಮೆರೆನ ವಿರುದ್ದ ವನ್ಯ ಜೀವಿ ಸಂರಕ್ಷಣಾ ಕಾಯಿದೆ 1972ತ್ತ ಅನ್ವಯ ಕೇಸ್ ಆತ್ಂಡ್. ಅಕ್ಟೋಬರ್ 11ಕ್ಕ್ ಉಂದು ಬೊಲ್ಪುಗು ಬೈದ್ಂಡ್.

ಒಡು ಅಳಿಯೊಂದಿಪ್ಪುನ ಒಂಜಿ ಅಪರೂಪದ ಪ್ರಾಣಿ. ಉಂದೆನ್ ಕೆರ್ಂಡ ಕೇಸ್ ಆಪುಂಡು. ಸುಧಾಕರ್ ಒಡು ಕೆರ್ದ್ ಪಟ ವಾಟ್ಸಾಪ್ ಡ್ ಪಟ್ಟೊಂದೆರ್, ಆ ವಾಟ್ಸಾಪ್ ಗ್ರೂಪುದ ಅಡ್ಮಿನ್ ನ್ ಲೆತ್ತ್ ಜಡ್ತೆ ಮಲ್ತಿನ ಅಧಿಕಾರಿಲು ಇತ್ತೆ ದೆಂಗ್ ತಪ್ಪಾದ್ ಕುಲ್ದಿನ ಆರೋಪಿನ್ ನಾಡೊಂದುಲ್ಲೆರ್.