ಕೊರಗಜ್ಜ ಸಿನಿಮಾದ ಶೂಟಿಂಗ್‌ಗ್ ಅಡ್ಡಿ ಮಲ್ತಿನ ದೈವಾರಾಧಕೆರೆನ ಸಂಘ, ಶೂಟಿಂಗ್ ಉಂತ್ಂಡ್

Last updated on October 28th, 2023 at 08:53 pm

ಸುಧೀರ್ ಅತ್ತಾವರ ಮೇರ್ ನಿರ್ದೇಶನ ಮಲ್ಪುನ ಕೊರಗಜ್ಜ ಸಿನಿಮೊದ ಪದೊತ ಶೂಟಿಂಗ್ ಕುದುರೆಮುಖದಲ್ಪ ಕಳಸದ ಮೈದಾಡಿ ಗುಡ್ಡೊಡು ಆವೊಂದಿಪ್ಪುನಗ ಚಿಕ್ಕಮಗಳೂರು ವಲಯದ ನಲ್ಕೆದಕಲೆನ ಸಂಘ ಶೂಟಿಂಗ್ ಜಾಗೆಗ್ ಬತ್ತ್ ಶೂಟಿಂಗ್ ಉಂತಾವರೆ ನೆವನ ಆತೆರ್ ಪನ್ದ್ ತೆರಿದ್ ಬೈದ್ಂಡ್.

ಈ ಕನ್ನಡ ಪಿಚ್ಚರ್ದ ಶೂಟಿಂಗ್ ಮಲ್ಪುನಗ ಕೃತಕ ಕೊಡಿಯಡಿ, ಕೃತಕ ದೈವೊಲೆನ ಅಣಿ ಅರದಲ ಮಲ್ತಿನೆನ್ ತೆರಿದ್ ದೈವಾರಾಧಕೆರೆ ಸಂಘ ಜಾಗೆಗ್ ಬನ್ನಗ ಚಿತ್ರೀಕರಣೊಗು ಪಾಡ್ದಿನ ಸೆಟ್ ದೆತ್ತ್ ಶೂಟಿಂಗ್ ಉಂತಾಯೆರ್.

ಟೀಮ್ದ ಸೇಫ್ಟಿ ಮುಖ್ಯ ಆದಿತ್ತ್ಂಡ್, ಕರಿನ ಸಲ ಕುಡ್ಲಡ್ ಶೂಟಿಂಗ್ ಮಲ್ಪುನಗಲಾ ಇಂಚೆನೇ ಆದಿತ್ತ್ಂಡ್. ಭೂತಾರಾಧನೆದ ಬಗೆಟ್ ಸಿನಿಮಾ ಮಲ್ಪರೆ ಬಲ್ಲಿ ಪನ್ದ್ ಇಂಚ ಮಲ್ತೊಂದುಲ್ಲೆರ್ ಪನ್ದ್ ತೋಜುಂಡು. ಎಂಕುಲು ಕೊರಗಜ್ಜನ ಬಗೆಟ್ ಸಿನಿಮಾ ಮಲ್ಪುನೆನ್ ಮೊಕುಲು ತಪ್ಪಾದ್ ತೆರಿಯೊಂದೆರ್ ಪನ್ದ್ ಚಿತ್ರದ ನಿರ್ದೇಶಕೆ ಸುಧೀರ್ ಅತ್ತಾವರ ಪನ್ಡೆರ್ ಪನ್ದ್ ತುಳುನಾಡು ವಾರ್ತೆದಕುಲು ವರದಿ ಮಲ್ದೆರ್.