Last updated on November 4th, 2023 at 03:20 pm
ಶುಕ್ರಾರ ನೇಪಾಳದ ಪಡ್ಡಾಯಿ ಭಾಗೊಡು ಆಯಿನ ಭೂಕಂಪೊಡು 150ರ್ದುಲಾ ಎಚ್ಚಿನ ಜನಕುಲು ತೀರಿಯೆರ್ ಪನ್ದ್ ತೆರಿದ್ ಬೈದ್ಂಡ್.
ಕಾಟ್ಮಂಡುರ್ದ್ 500ಕಿಮೀ ದೂರದ ಜಾಜರ್ಕೋಟ್ ಬೊಕ್ಕ ಪಡ್ಡಾಯಿ ರುಕುಂ ಜಿಲ್ಲೆಲೆಗ್ ವಿಪತ್ತು ನಿರ್ವಹಣಾ ತಂಡೊಲು ಪೋದು ಜನಕುಲೆನ್ ಒರ್ಪಾವುನ ಬೇಲೆ ಮಲ್ತೊಂದುಲ್ಲೆರ್. ನೂದೆರ್ದ್ ಲಾ ಎಚ್ಚಿನಕಲೆಗ್ ಪೆಟ್ಟಾತ್ಂಡ್, ಜಾಜರ್ಕೋಟು ಆಸ್ಪತ್ರೆ ನಿಲ್ಕೆ ಎಮರ್ಜೆನ್ಸಿ ಕೇಸುಲು ಆತ.
ನಡೀರ್‌ಗ್ ಒರಾನೆ ದಡೀಟ್ ಗದ್ದಾಯಿಲೆಕ್ಕ ಆದ್ ಜನಕುಲು ಪೋಡಿದ್ ಪಿದಯಿ ಪಾರ್ ಬೈದೆರ್. ಮಣ್ಣ್ ದ ಇಲ್ಲುಲು ಪೂರಾ ಅದ್‌ರ್ದ್ ಬೂರ್ದ. ಕುಡ ಒಂಜಿ ಗಂಟೆದ ಉಲಯಿ ಇಂಚಿನ ಮೂಜಿ ಸಲ ಆಂಡ್ ಜನಕುಲು ಪೋಡಿದ್ ಪಿದಯಿಡೇ ಕುಲ್ಲುದೆರ್. 5.6 ತೀವೃತೆದ ಭೂಕಂಪ ಆತ್ಂಡ್ ಪನ್ದ್ ತೆರಿದ್ ಬೈದ್ಂಡ್.