ಚುನಾವಣಾ ರಾಜಕೀಯೊರ್ದು ನಿವೃತ್ತಿ ದೆತೊನಿನ ಸದಾನಂದ ಗೌಡೆರ್

Last updated on November 9th, 2023 at 12:18 pm

ಕರ್ನಾಟಕದ ಮಾಜಿ ಮುಖ್ಯಮಂತ್ರಿ ಅಂಚೆನೆ ಬಿಜೆಪಿದ ಪೆರಿಯ ನಾಯಕೆ ಆಯಿನ ಸದಾನಂದ ಗೌಡೆರ್ ಚುನಾವಣಾ ರಾಜಕೀಯೊರ್ದು ನಿವೃತ್ತಿ ಆಪಿನ ಬಗೆಟ್ ಘೋಷಣೆ ಮಲ್ದೆರ್.

ಬಡಕಾಯಿ ಬೆಂಗಳೂರುದ ಸದ್ಯದ ಸಂಸದೆ ಆದಿಪ್ಪುನ ಸದಾನಂದ ಗೌಡೆರ್, 2024ತ್ತ ಲೋಕಸಭೆ ಚುನಾವಣೆಡ್ ಉಂತರೆ ಟಿಕೆಟ್ ತಿಕ್ಕುಜಿ ಪನ್ದ್ ಒಂಜಿ ರಿಪೋರ್ಟು ಬತ್ತಿತ್ತಿನೆತ ಬಗೆಟ್ ಮಿತ್ತ್ ದ ನಾಯಕೆರೆಡ ಸ್ಪಷ್ಟೀಕರಣ ಕೇನ್ಡೆರ್. ಉಂದೆರ್ದ್ ಬೊಕ್ಕ ನಿವೃತ್ತಿ ಆಪಿನ ಬಗೆಟ್ ಘೋಷಣೆ ಮಲ್ದೆರ್.

ಅವೆತೊಟ್ಟುಗು ಬಿಜೆಪಿದ ಪೆರಿಯ ನಾಯಕೆರ್ ಜೆಡಿಯಸ್ ದೊಟ್ಟುಗು ಕೈಗೋಡಿನಗ ರಾಜ್ಯ ನಾಯಕೆರೆಡ ಒಂಜಿ ಪಾತೆರಲಾ ಕೇನ್ದಿಜೆರ್ ಪನ್ದ್ ಪನ್ಡೆರ್. ಸದಾನಂದ ಗೌಡೆರ್ ರಾಜ್ಯದ ಮುಖ್ಯಮಂತ್ರಿ ಆದಿತ್ತೆರ್ ಅಂಚೆನೆ ಕೇಂದ್ರ ಮಂತ್ರಿ ಆದ್ಲಾ ಬೇಲೆ ಮಲ್ದೆರ್.