Last updated on November 19th, 2023 at 12:10 pm
ಬಿಜೆಪಿದ ಮಲ್ಲ ನಾಯಕೆರ್ ಮುಸ್ಲಿಂ ಸ್ಪೀಕರ್ನ ಎದುರು ಕೈ ಮುಗಿದು ಉಂತುಲೆಕ ಮಲ್ದ ಪನ್ಪಿ ಸಚಿವೆ ಜಮೀರ್ ಅಹ್ಮದ್ ಖಾನ್‌ ಪಾತೆರೊಗು ವಿಧಾನಸಭಾ ಸ್ಪೀಕರ್ ಬೆಸರ್ ತೋಜಾಯೆರ್.
ಜಾತಿ ಆಧಾರೊಡು ಯಾನ್ ಸ್ಪೀಕರ್ ಆತಿಜಿ. ಎನ್ನ ಅರ್ಹತೆಗ್ ತಕ್ಕ ಬೇಲೆ ಮನ್ಪುವೆ ಪಂದ್ ಸ್ಪೀಕರ್ ಸ್ಥಾನೊನು ಕೊರ್ತೆರ್ ಪಂದ್ ವಿಧಾನಸಭೆ ಸ್ಪೀಕರ್ ಯು ಟಿ ಖಾದರ್ ತೆರಿಪಾಯೆರ್.
ಮುಸ್ಲಿಂ ಸ್ಪೀಕರ್‌ಗ್ ಬಿಜೆಪಿ ಶಾಸಕೆರ್ ನಮಸ್ಕಾರ ಮನ್ಪುಲೆಕ ಮಲ್ದ ಪಂದ್ ಜಮೀರ್ ಅಹ್ಮದ್ ಪಂಡಿನೆತ ವಿಚಾರೊಡು ಸ್ಪೀಕರ್ ಯು.ಟಿ .ಖಾದರ್ ಪಾತೆರ್ದ್, ಯಾನ್ ಮಾತೆರೆನ ಸ್ಪೀಕರ್. ಈ ಸ್ಥಾನೊನು ಒವ್ವೇ ರಾಜಕೀಯ, ಜಾತಿ, ಧರ್ಮೊದ ಆಧಾರೊಡು ತೂಯೆರ ಇಜ್ಜಿ. ಇಂಚಿನ ಮಾತೆನ್ಲಾ ಮೀರ್ದ್ ಉಂತೊಡಾಯಿನ ಸಂವಿಧಾನ ಬದ್ಧವಾಯಿನ ಸ್ಥಾನ. ಮಾತೆರ್ಲಾ ಗೌರವ ಕೊರ್ಪುನು ಎಂಕ್ ಅತ್ತ್. ಸಂವಿಧಾನ ಪೀಠೊಗು, ಸಭಾಧ್ಯಕ್ಷ ಸ್ಥಾನೊಗು ಪಂದ್ ಪಂಡೆರ್.
“ಸ್ಪೀಕರ್ ಜಾಗೆಡ್ ಕುಲ್ಲುನಕುಲು ಆ ಜಾಗೆದ ಗೌರವ ಒರಿತೊನೊಡು. ಜಮೀರ್‌ನ ಪಾತೆರೊಗು ಯಾನ್ ಒವ್ವೇ ಕಮೆಂಟ್ ಮನ್ಪುಜಿ. ಜಾತಿದ ಆಧಾರೊಡು ಎನನ್ ಪೀಠೊಡು ಕುಲ್ಲಾದಿಜೆರ್. ಮಾತೆರೆಗ್ಲಾ ಗೌರವ ಕೊರ್ದು ಮಾತೆರೆನ ಸ್ಪೀಕರ್ ಆದ್ ಬೇಲೆ ಮನ್ಪುವೆ. ಅಂಚಾದ್ ಸ್ಪೀಕರ್ ಸ್ಥಾನೊನು ಪಕ್ಷರ್ದ್ ಮಿತ್ತ್ ತೂಯೆರ ಬಯಕುವೆ ” ಪಂದ್ ಯು.ಟಿ.ಖಾದರ್ ಪಂಡೆರ್.