Last updated on December 2nd, 2023 at 07:54 pm
ಒಡಿಪುದ ಅಷ್ಠಮಠೊಕ್ಲೆಡ್ ಒಂಜಾಯಿನ ಪೇಜಾವರ ಮಠೊತ ಮಠಾಧೀಶೆರಾದಿತ್ತಿನ ಶ್ರೀವಿಶ್ವೇಶ ತೀರ್ಥ ಸ್ವಾಮಿಲು ಕೃಷ್ಣೈಕ್ಯೆರಾದ್ ಡಿಸೆಂಬರ್‌ 29ಗ್ 4 ವರ್ಸ ಸಂದುಂಡು.
ಈ ದಿಸೆಟ್ ಶ್ರೀಕುಲೆನ ಅಂಬಲ್‌ಡ್ ಕುಡ್ಲದ ಕಲ್ಕೂರ ಪ್ರತಿಷ್ಠಾನ ಪೋಸ್ಟ್ ಕಾರ್ಡ್‌ಡ್ ಸ್ವಾಮಿಲೆನ ಚಿತ್ರ ಬುಡ್ಪಾವುನ ಅಟ್ಟನೆ ಮಲ್ದ್ಂಡ್.
ಈ ಪಂತೊಡು ಎಸ್‌ಎಸ್‌ಎಲ್‌ಸಿ ಮುಟ್ಟದ ಜೋಕುಲೆಗ್ ಬೊಕ್ಕ ಓಪನ್ ವಿಭಾಗ ಪನ್ಪಿ ರಡ್ಡ್ ವಿಭಾಗೊಲು ಇಪ್ಪುವ.
ಆಸಕ್ತೆರ್ ಚಿತ್ರೊಲೆನ್ ಪೋಸ್ಟ್ ಕಾರ್ಡ್‌ಡ್ ಮಾತ್ರ ಬುಡ್ಪಾವೊಡು. ಪೆನ್ಸಿಲ್‌ ಗಲಸ್‌ದ್ ಕಪ್ಪು-ಬೊಲ್ದು ರಂಗ್‌ಡ್ ಚಿತ್ರೊನು ಬುಡ್ಪಾವೊಡು ಪಂದ್ ಸಂಘಟಕೆರ್ ತೆರಿಪಾದೆರ್.
ಚಿತ್ರೊಲೆನ್ ಕಡಪುಡ್ದ್ ಕೊರ್ಯೆರ ಡಿಸೆಂಬರ್‌ 20 ಅಕೇರಿದ ದಿನ.
ಪೋಸ್ಟ್ ಕಾರ್ಡ್‌ಡ್ ಚಿತ್ರ ಬುಡ್ಪಾಯಿನಕ್ಲು ತನ್ಕುಲೆ ಪುರಾಪು ಬೊಕ್ಕ ಮೊಬೈಲ್ ನಂಬ್ರ ಕಡ್ಡಾಯವಾದ್ ಬರೆದಿಪ್ಪೊಡು.
ಚಿತ್ರೊನು ಕಡಪುಡೊಡಾಯಿನ ಪುರಾಪು:
ಜಾನ್‌ ಚಂದ್ರನ್‌ (ಸಂಚಾಲಕೆರ್), ಅಂಚೆ ಕಾರ್ಡ್‌ಡ್ ಚಿತ್ರ ಬುಡ್ಪಾವುನ ಪಂತೊದ ವಿಭಾಗ, ಕಲ್ಕೂರ ಪ್ರತಿಷ್ಠಾನ, ಶ್ರೀಕೃಷ್ಣ ಸಂಕೀರ್ಣ, ಎಂಜಿ ರೋಡ್‌, ಕೊಡಿಯಾಲ್‌ಬೈಲ್‌, ಕುಡ್ಲ