Last updated on December 9th, 2023 at 02:38 pm
ತುಳುನಾಡ್‌ದಾರಾಯಿನ ಲೀಲಾವತಿ ಮೇರ್ ತುಳು ಬಾಸೆದ ಮಿತ್ತ್ ಎಡ್ಡೆನೆ ಮೋಕೆ ಇತ್ತಿನಾರ್. ಮೇರ್ಲ ಮೆರೆನ ಮಗೆಲಾ ಇಲ್ಲಡ್ ತುಳುವೇ ಪಾತೆರೊಂದಿತ್ತಿನಿ.
ತುಳುತ ಮಿತ್ತ್ ಮೋಕೆಡ್ ತುಳು ಬಾಸೆದ ಸುರು ಸುರುತ ಪಿಚ್ಚರ್‌ಲೆಗ್ ತನ್ನ ನಿಲೆಟ್ ಆಯಿನ ಸಾಯ ಮಲ್ತೊಂದಿತ್ತೆರ್ ಪನ್ದ್ ತೆರಿದ್ ಬೈದ್ಂಡ್. ತುಳುತ ರಡ್ಡನೇ ಪಿಚ್ಚರ್ 1971ನೇ ಇಸವಿದ “ದಾರೆದ ಬುಡೆದಿ” ಡ್ ನಟನೆ ಮಲ್ದೆರ್. ಅವೆರ್ದ್ ಬೊಕ್ಕ 1972ಟ್ಟ್ ಪಗೆತ ಪುಗೆ ಬೊಕ್ಕ ಬಿಸತಿ ಬಾಬು, 1973ಟ್ಟ್ ಯಾನ್ ಸನ್ಯಾಸಿ ಆಪೆ, 1976ಟ್ಟ್ ಸಾವಿರೊಡೊರ್ತಿ ಸಾವಿತ್ರಿ, 1981ತ್ತ ಭಾಗ್ಯವಂತೆದಿ, 1983ತ್ತ ಬದ್ಕರೆ ಬುಡ್ಲೆ, 1984ತ್ತ ದಾರೆದ ಸೀರೆ ಪನ್ಪಿನ ಪಿಚ್ಚರ್ಲೆಡ್ ಅದ್ಬುತವಾದ್ ನಟನೆ ಮಲ್ತ್ ತುಳುವೆರೆ ಉಡಲ್ ಗೆಂದ್‌ದೆರ್.