Last updated on December 14th, 2023 at 04:01 pm
ಹಾಸನ ಜಂಕ್ಷನ್ ರೈಲ್ವೇ ಉಂತಡೆಡ್ ಯಾರ್ಡ್ ರಿ-ಕಂಸ್ಟ್ರಕ್ಷನ್ ಬೇಲೆಗ್ ಬೋಡಾದ್ ಡಿಸೆಂಬರ್ 14 ರ್ದ್ ಡಿಸೆಂಬರ್ 22 ಮುಟ್ಟ ಬೆಂಗ್ಳೂರ್ ಬೊಕ್ಕ ಕುಡ್ಲದ ನಡುಟು ರೈಲು ಸಂಚಾರ ರದ್ದ್ ಮಲ್ದ್ಂಡ್ ಪಂದ್ ನೈಋತ್ಯ ರೈಲ್ವೆ ಪ್ರಕಟಣೆ ತೆರಿಪಾದ್ಂಡ್.
ಡಿಸೆಂಬರ್ 14 ರ್ದ್ 18 ದ ನಡುಟು ಮಧ್ಯಾಹ್ನ 2 ರ್ದ್ ಬಯ್ಯ 6 ಗಂಟೆ ಮುಟ್ಟ ಬೊಕ್ಕ ಬಯ್ಯ 6 ರ್ದ್ ರಾತ್ರೆ 8 ಮುಟ್ಟ ಲೈನ್ ಬ್ಲಾಕ್, ಸಿಗ್ನಲ್ ಬೊಕ್ಕ ಕಮ್ಯುನಿಕೇಶನ್ ಬ್ಲಾಕ್‌ದ ಬೇಲೆ ಆವೊಂದುಪ್ಪುಂಡು. ಈ ಪೊರ್ತುಡು ರೈಲು ಸಂಚಾರೊಗು ಹಾಸನೊಡು ಒವ್ವೇ ರೈಲ್ ಮಾರ್ಗೊಲು ಇಪ್ಪುಜ.
ಡಿಸೆಂಬರ್ 19 ರ್ದ್ ಡಿಸೆಂಬರ್ 22 ಮುಟ್ಟ, ಎಂಜಿನಿಯರಿಂಗ್ ಬೇಲೆಗ್ ಬೋಡಾದ್ ಕಾಂಡೆ 8 ರ್ದ್ ಮಧ್ಯಾಹ್ನ 2 ಮುಟ್ಟ ಟ್ರಾಫಿಕ್ ಬ್ಲಾಕ್ ಮನ್ಪುಂಡು ಅಂಚೆನೇ ಈ ಪೊರ್ತುಡು ಒವ್ವೇ ರೈಲ್ ಇಪ್ಪುಜಿ.
ಈ ಪೊರ್ತುಡು ಹಾಸನ ಜಂಕ್ಷನ್ ಯಾರ್ಡ‌ಡ್ ಸಿಗ್ನಲಿಂಗ್, ಇಂಟರ್ಲಾಕ್ ಬೊಕ್ಕ ಬೇತೆ ಇಂಜಿನಿಯರಿಂಗ್ ವ್ಯವಸ್ಥೆಲೆನ ರಿ-ಡಿಜ಼ೈನಿಂಗ್ ಬೇಲೆ ನಡಪರೆಗುಂಡು. ಈ ನೆವನೊಲೆರ್ದ್ ರೈಲ್ ಸಂಚಾರ ರದ್ದ್ ಮಲ್ದ್ಂಡ್ ಪಂದ್ ರೈಲ್ವೆ ತೆರಿಪಾದ್ಂಡ್.
ರದ್ದಾತಿನ ರೈಲ್‌ಲೆನ ಒಲವು:
1. ಬೆಂಗಳೂರು-ಕಣ್ಣೂರು-ಬೆಂಗಳೂರು ಪಂಚಗಂಗಾ ಎಕ್ಸ್‌ಪ್ರೆಸ್ (ನಿಚ್ಚ ರಾತ್ರೆ ಬಲಿಪುನ ರೈಲ್) – ಡಿಸೆಂಬರ್ 16 ರ್ದ್ ಡಿಸೆಂಬರ್ 20 ಮುಟ್ಟ ಇಜ್ಜಿ.
2. ಬೆಂಗಳೂರು-ಕಾರವಾರ-ಬೆಂಗಳೂರು ಪಂಚಗಂಗಾ ಎಕ್ಸ್‌ಪ್ರೆಸ್ (ನಿಚ್ಚ ರಾತ್ರೆ ಬಲಿಪುನ ರೈಲ್) – ಡಿಸೆಂಬರ್ 16 ರ್ದ್ ಡಿಸೆಂಬರ್ 20 ಮುಟ್ಟ ಇಜ್ಜಿ.
3. ಯಶವಂತಪುರ-ಕುಡ್ಲ ಜಂಕ್ಷನ್ ಗೊಮ್ಮಟೇಶ್ವರ (ವಾರೊಡು ಮೂಜಿ ದಿನ ಬಲಿಪುನವು) ಎಕ್ಸ್‌ಪ್ರೆಸ್ – ಡಿಸೆಂಬರ್ 14, 17, 19 ಬೊಕ್ಕ 21 ತಾನಿ ಇಜ್ಜಿ.
4. ಯಶವಂತಪುರ-ಕಾರವಾರ (ವಾರೊಡು ಮೂಜಿ ದಿನ ಬಲಿಪುನವು) ಎಕ್ಸ್‌ಪ್ರೆಸ್ – ಡಿಸೆಂಬರ್ 13, 15, 18, 20 ಬೊಕ್ಕ 22 ತಾನಿ ಇಜ್ಜಿ.
5. ಯಶವಂತಪುರ-ಕುಡ್ಲ ಜಂಕ್ಷನ್ ವೀಕ್ಲಿ ಎಕ್ಸ್‌ಪ್ರೆಸ್ (ರೈಲ್ ನಂಬ್ರ 16539) – ಡಿಸೆಂಬರ್ 16 ತಾನಿ ಇಜ್ಜಿ.
6. ಮಂಗಳೂರು ಜಂಕ್ಷನ್-ಯಶವಂತಪುರ ವೀಕ್ಲಿ ಎಕ್ಸ್‌ಪ್ರೆಸ್ (ರೈಲು ಸಂಖ್ಯೆ 16540) – ಡಿಸೆಂಬರ್ 17 ರಂದು ರದ್ದು.