Last updated on December 15th, 2023 at 07:55 am
ಪಕ್ಷ ಬುಡ್ಪುಜಿ ಪನೊಂದೇ ಪಕ್ಷದ ವಿರುದ್ದ ಪಾತೆರೊಂದು ಕಾಂಗ್ರೇಸ್‌ದೊಟ್ಟುಗು ಚಂಗಾಯಿ ದೀವೊಂದಿನ ಮಾಜಿ ಸಚಿವೆ ಎಸ್.ಟಿ ಸೋಮಶೇಖರ್ ಮೇರ್ ಕಾಂಗ್ರೇಸ್ ಮಲ್ದಿನ ತಮ್ಮನೊಗು ಪೋದು ಕುಡ ಚರ್ಚೆಗ್ ನೆವನ ಆತೆರ್.
ಕುಡೊರಿ ಮಾಜಿ ಸಚಿವೆ ಶಿವರಾಂ ಹೆಬ್ಬಾರ್, ವಿಧಾನ ಪರಿಷತ್ ಸದಸ್ಯೆರಾಯಿನ ಬಿಜೆಪಿದ ಎಚ್.ವಿಶ್ವನಾಥ್ ಸೇರ್ದ್ ಒಟ್ಟು 10 ಶಾಸಕೆರ್ ಈ ತಮ್ಮನೊಡು ಪಾಲ್ ಪಡೆಯೊಂದೆರ್ ಪನ್ದ್ ತೆರಿದ್ ಬೈದ್ಂಡ್.
ಎಂಕುಲು ಪೋತಿನಿ ವನಸ್‌ಗ್ ಮಾತ್ರ ಅತ್ತಂದೆ ಕಾಂಗ್ರೇಸ್‌ದ ಶಾಸಕಾಂಗ ಸಭೆಕ್ ಅತ್ತ್ ಪನ್ದ್ ಪೋತಿನಕುಲು ಇತ್ತೆ ಸಮಜಾಯಿಷಿ ಕೊರೊಂದುಲ್ಲೆರ್. ಬುಧಾರ ರಾತ್ರೆ ಬೆಳಗಾವಿದ ಖಾಸಗಿ ರೆಸಾರ್ಟ್ ಡ್ ಕಾಂಗ್ರೇಸ್ ಶಾಸಕೆರೆಗಾದ್ ಮಲ್ದಿನ ವನಲ್ ತಮ್ಮನೊಗು ಬೇತೆ ಪಕ್ಷದ ಪತ್ತ್ ಶಾಸಕೆರ್ ಬೈದೆರ್ ಪನ್ದ್ ಡಿಸಿಎಂ ಡಿ.ಕೆ ಶಿವಕುಮಾರ್ ತೆರಿಪಾದೆರ್.