ಬಜ್ಪೆ: ಅಂಗಡಿಡ್ ಅಕ್ರಮವಾದ್ ಗಂಗಸರ ಮಾರೊಂದಿತ್ತಿನ ಆರೋಪಿ ಅರೆಸ್ಟ್

Last updated on December 29th, 2023 at 05:21 pm

ಬಜ್ಪೆ: ಅಂಗಡಿಡ್ ಅಕ್ರಮವಾದ್ ಗಂಗಸರ ಮಾರೊಂದಿತ್ತಿನ ಆರೋಪಡ್ ಅಂಗಡಿದ ದನಿನ್ ಬಜ್ಪೆ ಪೊಲೀಸೆರ್ ಕೈದ್ ಮಲ್ದೆರ್.

ಕೈದಾತಿನ ಆರೋಪಿ ಜಯಾನಂದ ಕುಲಾಲ್ ಪಂದ್ ತೆರಿದ್‌ಬೈದ್ಂಡ್.

ಡಿ.27 ತಾನಿ ಮೊಗೇರ್ ಗ್ರಾಮೊದ ತಾರೆಮಾರ್ ಪನ್ಪಿನವುಲು ತನ್ನ‌‌ ಗೂಡಂಗಡಿಡ್ ಅಕ್ರಮವಾದ್ ಗಂಗಸರ ಮಾರೊಂದಿತ್ತೆರ್‌ಗೆ, ಡಿ.27ತ ಬಯ್ಯ 4.45ತ ಅಂದಾಜಿಗ್ ಬಜ್ಪೆ ಪೊಲೀಸೆರ್ ರೌಂಡ್ಸ್‌ಡ್ ಇತ್ತಿನ ಪೊರ್ತು ಆರೋಪಿನ ಅಂಗಡಿದ ಎದುರುಡಿತ್ತಿನ ಗ್ರಾಹಕೆರ್ ಪೊಲೀಸ್ ಗಾಡಿನ್ ತೂದು ಬಲ್ತ್‌ದೆರ್. ಉ್ಂದೆನ್ ತೂದು ಅನುಮಾನ ಬತ್ತ್‌ದ್ ಪೊಲೀಸೆರ್ ಗೂಡಂಗಡಿಡ್ ತಪಾಸಣೆ ಮನ್ಪುನಗ ಬೇತೆ ಬೇತೆ ಬ್ರ್ಯಾಂಡ್‌ಲೆನ 90ಎಂಎಲ್ದ ಒಟ್ಟು 18 ಟೆಟ್ರಾ ಪ್ಯಾಕ್ ಗಂಗಸರ ತಿಕ್ಕ್‌ದ್, ಲೈಸೆನ್ಸ್‌ದಾಂತೆ ಮಾರೊಂದಿತ್ತಿನ ದೃಢ ಆತ್ಂಡ್.