Last updated on January 5th, 2024 at 03:02 pm
12 ವರ್ಸದ ಪೊಣ್ಣನ್ ಮದ್ಮೆ ಆದ್, ಅಲೆನ ಮಿತ್ತ್ ಅತ್ಯಾಚಾರ ಮಲ್ತ್ ಅಲೆನ್ ಬಂಜಿನ ಮಲ್ತಿನ ಆರೋಪದ ಮಿತ್ತ್ 29 ವರ್ಸದ ಆನನ ವಿರುದ್ದ ನವಿ ಮುಂಬೈ ಪೋಲೀಸೆರ್ ಪ್ರಕರಣ ಪಾಡ್ದೆರ್. ಈ ನಡಕೆದ ಬಗೆಟ್ ಪೆರಿಯ ಪೋಲೀಸ್ ಅಧಿಕಾರಿ ಒರಿ ಒಲವು ಕೊರ್ದು ದೇಶೊಡು ಕಾನೂನು ಬಾಹಿರ ಆಯಿನ ಈ ಬಾಲ್ಯವಿವಾಹ ಸುಮಾರ್ ಆಜಿ ತಿಂಗೊಲು ದುಂಬು ನಡದ್ಂಡ್.
ಆಯೆ ಅಪಗಪಗ ಪೊಣ್ಣನ ಮಿತ್ತ್ ಅತ್ಯಾಚಾರ ಮಲ್ತ್ ಅಲೆನ್ ಬಂಜಿನ ಮಲ್ದೆ. ಆರೋಪಿ ಜವನೆ ಅಂಚೆನೆ ಅಪ್ರಾಪ್ತ ಪೊಣ್ಣು ಇರ್ವೆರ್ಲಾ ಮಹಾರಾಷ್ಟ್ರದ ಸತಾರಾ ಜಿಲ್ಲೆದಕುಲು ಪನ್ದ್ ತೆರಿದ್ ಬೈದ್ಂಡ್.
ಗುರುವಾರ ಪರೀಕ್ಷೆ ಮಲ್ಪುನಗ ಬೈದ್ಯೆರೆಗ್ ಪೊಣ್ಣು ನಾಲ್ ತಿಂಗೊಲುದ ಬಂಜಿನಾಲ್ ಪನ್ದ್ ತೆರಿದ್ ಬೈದ್ಂಡ್. ಉಂದೆನ್ ಬೈದ್ಯೆರ್ ಪೋಲೀಸೆರೆಗ್ ತೆರಿಪಾದೆರ್. ವಿಚಾರಣೆ ಮಲ್ತಿನ ಪೋಲೀಸೆರ್ ಆರೋಪಿನ ಮಿತ್ತ್ ಐಪಿಸಿ ಬೊಕ್ಕ ಪೋಕ್ಸೊ ಕಾಯ್ದೆಡ್ ಪ್ರಕರಣ ಪಾಡ್ದೆರ್.