Last updated on January 10th, 2024 at 10:17 am
ಅಯೋಧ್ಯೆ ರಾಮ ಮಂದಿರದ ಉದಿಪನದ ದಿನ ಕೈತಲ್ ಬರೊಂದುಂಡು. ದೇಶದ ಕೋಂಟು ಕೋಂಟುರ್ದು ಜನ ರಾಮ ಮಂದಿರೊಗು ಬರ್ಪೆರ್. ಆಂಡ ತುಳುನಾಡ್‌ದಕುಲು ಮಂದಿರೊಗು ಪೋವೊಡಾಂಡ ಓಲೋಲು ತೆಲಾದ್ ಸುತ್ತ ತಿರ್ಗೊಂದು ಪೋವೊಡು, ನಿಡ್ಪ ಅಡೆಗ್ ಪೋಪಿನ ವ್ಯವಸ್ಥೆ ಇಜ್ಜಿ.
ರಾಮ ಮಂದಿರ ಉದಿಪನ ಆಯಿನೆರ್ದ್ ಬೊಕ್ಕ ತುಳುನಾಡ್‌ರ್ದ್ ಅಡೆಗ್ ಪೋಪಿನ ಜನಕುಲೆನ ಅಂಕೆ ಮಸ್ತ್ ಏರ್ತೆ ಆಪುಂಡು. ಅಂಚಾದ್ ಕುಡ್ಲರ್ದ್ ಡೈರೆಕ್ಟ್ ಅಯೋಧ್ಯೆಗ್ ಎಕ್ಸ್‌ಪ್ರೆಸ್ ರೈಲ್ ಪಾಡೊಡು ಪನ್ಪಿನ ಬೇಡಿಕೆ ದಡೀಟ್ ಬರೊಂದುಂಡು. ಕೇಂದೇರ ಸರಕಾರ ಇತ್ತೆನೇ ಮೈಸೂರು, ಹುಬ್ಬಳ್ಳಿ, ಬೆಂಗಳೂರುರ್ದು ಅಯೋಧ್ಯೆಗ್ ರೈಲ್ ಪಾಡರೆ ಅಟ್ಟನೆ ಬೈದ್ಂಡ್, ಇಂಚ ಉಪ್ಪುನಗ ಕುಡ್ಲರ್ದ್ ಈತ್ ಬೇಡಿಕೆ ಇತ್ತ್‌ಲಾ ಅವ್ ಎತ್ತುನಡೆ ಎತ್ತಂದಿನವು ಇತ್ತೆ ಭಕ್ತೆರೆನ ಪಿಸಿರ್‌ಗ್ ನೆವನ ಆತ್ಂಡ್.
ಈ ಬಗೆಟ್ ಪ್ರತಿಕ್ರಿಯೆ ಕೊರಿನ ಕೇಂದ್ರ ಸಚಿವೆದಿ ಶೋಭಾ ಕರಂದ್ಲಾಜೆ, “ಕರಾವಳಿ” ರ್ದ್ ಅಯೋಧ್ಯೆಗ್ ರೈಲ್ ಸಂಪರ್ಕ ಮಲ್ಪುನ ಬಗೆಟ್ ಮನವಿಲು ಉಂಡು ಆಂಡ ಸದ್ಯೊಗು ಆ ಪ್ರಸ್ತಾವನೆ ಇಜ್ಜಿ. 2025ತ್ತ ಆರ್ಥಿಕ ವರ್ಷೊಡು ಈ ಪ್ರಸ್ತಾವನೆನ್ ಕಡಪುಡುವ ಪನ್ದ್ ಪನ್ಡೆರ್.