Last updated on January 15th, 2024 at 08:18 am
ರಾಜ್ಯ ಸರಕಾರ ತುಳುನಾಡ್‌ಡ್ 8 ಕಡೆಟ್ ನಮ್ಮ ಕ್ಲಿನಿಕ್ ಕಟ್ಟುನ ಅಟ್ಟನೆ ಮಲ್ತೊಂದುಂಡು. ಕುಡ್ಲ ಜಿಲ್ಲೆಡ್ 5 ಅಂಚೆನೆ ಒಡಿಪುಡು 3 ನಮ್ಮ ಕ್ಲಿನಿಕ್ ನನ ಒಂತೆ ತಿಂಗೊಲುಡು ಸುರು ಆಪಿನ ನಿರೀಕ್ಷೆ ಉಂಡು.
ಇತ್ತೆ ಕುಡ್ಲ ಮಹಾನಗರ ಪಾಲಿಕೆ ವ್ಯಾಪ್ತಿದ ಸೂಟರ್‌ ಪೇಂಟೆ, ಬೋಳಾರ, ಬಂದರ್, ಪಚ್ಚನಾಡಿ, ಕೋಡಿಕಲ್‌, ಕುಂಜತ್ತಬೈಲ್‌, ಮೀನಕಳಿಯ, ಸುಳ್ಯದ ದುಗ್ಗಲಡ್ಕ, ಮೂಡುಬಿದಿರೆದ ಗಂಟಾಲಕಟ್ಟೆ, ಉಳ್ಳಾಲದ ಕೆರೆಬೈಲು, ಕಡಬದ ಕೋಡಿಂಬಾಳ, ಪುತ್ತೂರುದ ಬನ್ನೂರು ಗ್ರಾಮದಡ್ “ನಮ್ಮ ಕ್ಲಿನಿಕ್’ ಉದಿಪನ ಆತ್ಂಡ್. ಒಡಿಪು ಜಿಲ್ಲೆದ ಬೀಡಿನಗುಡ್ಡೆ, ಕಕ್ಕುಂಜೆ, ನಿಟ್ಟೂರು, ಕುಂದಾಪುರದ ಖಾರ್ವಿಕೇರಿ, ಟಿ.ಟಿ. ರಸ್ತೆ, ಕಾರ್ಲದ ಮರೀನಾಪುರಟ್ ಉಂಡು.
ನಮ್ಮ ಕ್ಲಿನಿಕ್ ಪೊಸತಾದ್ ಕುಡ್ಲ ಜಿಲ್ಲೆದ ಕೋಟೆಕಾರ್ ಪಟ್ಟಣ ಪಂಚಾಯತ್‌, ಬಜಪೆ, ಮೂಲ್ಕಿ, ವಿಟ್ಲ, ಕಿನ್ನಿಗೋಳಿಡ್ ಬೇಗೊಡೇ ಸುರು ಆಪುಂಡು. ಒಡಿಪು ಜಿಲ್ಲೆದ ಕಾಪು, ಸಾಲಿಗ್ರಾಮ, ನಗರ ಭಾಗದ ಮಣಿಪಾಲಡ್ಲಾ ನಮ್ಮ ಕ್ಲಿನಿಕ್ ಸುರು ಮಲ್ಪರೆ ಸರಕಾರೊಗು ಪ್ರಸ್ತಾವನೆ ಕಡಪುಡ್ದೆರ್.